കൊട്ടാരക്കര: നിയന്ത്രണംവിട്ട് സ്വകാര്യബസ് വെയിറ്റിംഗ് ഷെഡിലേക്ക് പാഞ്ഞുകയറി. തലനാരിഴയ്‌ക്ക് വന്‍ അപകടം ഒഴിവായി. തൃക്കണ്ണമംഗല്‍ ജംഗ്ഷനില്‍ ഇന്നലെ ഉച്ചയ്‌ക്ക് 1.20 ഓടെയായിരുന്നു സംഭവം. കടയ്‌ക്കലില്‍ നിന്നും കൊട്ടാരക്കരയിലേക്ക് വന്ന ബസാണ് അപകടത്തില്‍ പെട്ടത്. ആര്‍ക്കും പരിക്കില്ല.
തൃക്കണ്ണമംഗല്‍ ഓട്ടോസ്റ്റാന്‍ഡും ഈ വെയിറ്റിംഗ് ഷെഡിന് സമീപത്താണ്. വെയിറ്റിംഗ് ഷെഡില്‍ ആളുകള്‍ ഇല്ലായിരുന്നു. വെയിറ്റിംഗ് ഷെഡ് പൂര്‍ണ്ണമായും തകര്‍ന്നു. മേല്‍ക്കൂരയില്‍ സ്ഥാപിച്ചിരുന്ന ബോര്‍ഡ് ബസിനകത്തേക്ക് ഇടിച്ചു കയറി. ഓയൂര്‍ കൊട്ടാരക്കര റൂട്ടില്‍ ബസ്സുകള്‍ അമിത വേഗതയിലാണ് ഓടുന്നതെന്ന പരാതി നിലനില്‍ക്കുമ്പോഴാണ് അപകടം.
പ്രതികരിക്കാൻ ഇവിടെ എഴുതുക: