മുണ്ടക്കയം: പതിനൊന്ന് കാരിയായ സ്‌കൂള്‍ വിദ്യാര്‍ത്ഥിനിയെ നഗ്നതകാട്ടുകയും അസ്ലീലം പറയുകയും ചെയ്ത സംഭവത്തില്‍ വ്യാപാരിയും റിട്ട: പഞ്ചായത്ത് സെക്രട്ടറിയുമായ 63 കാരനെ പോലീസ് അറസ്റ്റ് ചെയ്തു. പുത്തന്‍ചന്തയില്‍ സുഗന്ധവ്യജഞ്‌ന വ്യാപാരിയായ വണ്ടന്‍പതാല്‍ ഓലിക്കല്‍ ഇമ്മാനുവല്‍ മാത്യു (63)വിനെയാണ് മുണ്ടക്കയം പോലീസ് അറസ്റ്റ് ചെയ്തത്. കഴിഞ്ഞദിവസം വൈകിട്ട് നാലിനാണ് സംഭവം നടന്നത്. ഇമ്മാനുവലിന്റെ വ്യാപാര സ്ഥാപനത്തിന് സമീപം താമസിക്കുന്ന പെണ്‍കുട്ടിയെ മിഠായി നല്‍കാമെന്ന് പറഞ്ഞ് കടയിലേക്ക് വിളിക്കുകയായിരുന്നു. എന്നാല്‍ ഇത് വിസമ്മതിച്ച പെണ്‍കുട്ടിയെ നഗ്നത പ്രദര്‍ശിപ്പിക്കുകയും, അശ്ലീല ചുവയില്‍ സംസാരിക്കുകയും ചെയ്തതായാണ് പരാതി.
പെണ്‍കുട്ടിയോട് ഇയാള്‍ അപമര്യാദയായി പെരുമാറിയത് കണ്ട ഇളയ സഹോദരന്‍ മാതാവിനോട് പരാതി പറയുകയായിരുന്നു. ഇതേത്തുടര്‍ന്ന് സമീപവാസികള്‍ ഉള്‍പ്പെടെയുള്ളവര്‍ ഇമ്മാനുവലിന്റെ കടയിലെത്തി വിശദീകരണം ആവശ്യപ്പെട്ടത് സംഘര്‍ഷത്തിലേക്ക് നയിച്ചിരുന്നു. തുടര്‍ന്ന് മുണ്ടക്കയം പോലീസ് സ്ഥലത്തെത്തി നാട്ടുകാരെ ശാന്തരാക്കി കടയുടമയായ ഇമ്മാനുവേലിനെ കസ്റ്റഡിയിലെടുത്തു.
പ്രതികരിക്കാൻ ഇവിടെ എഴുതുക: