ചവറ: ഒറ്റയ്‌ക്ക് താമസിച്ചിരുന്ന വയോധികയെ വീടിനു സമീപത്തുളള ഷെഡ്ഡില്‍ മരിച്ച നിലയില്‍ കണ്ടെത്തി.തേവലക്കര പാലയ്‌ക്കല്‍ കൂഴംകുളം ആതിരയില്‍ പരേതനയ തങ്കപ്പന്റെ ഭാര്യ ഓമനയമ്മ (69) ആണ് മരിച്ചത്. ബുധനാഴ്ച രാവിലെ ഇവരെ അന്വേഷിച്ചെത്തിയ മകനും ഭാര്യയുമാണ് ഓമനയമ്മയെ മരിച്ച നിലയില്‍ കണ്ടെത്തിയത്.
മൃതദേഹത്തിന് മൂന്ന് ദിവസത്തെ പഴക്കം ഉണ്ടന്നും മോഷണ ശ്രമം നടന്നിട്ടില്ല ന്നുമാണ് പോലിസ് പറയുന്നത്. ഓമനയമ്മയുടെ ഇളയ മരുമകന്‍ അജയകുമാര്‍ മരിച്ച വിവരം ഫോണിലൂടെ അറിയിക്കാന്‍ ശ്രമിച്ചെങ്കിലും ഫോണില്‍ കിട്ടാത്തതിനെ തുടര്‍ന്ന് താമസിക്കുന്ന വീട്ടിലെത്തി മരണ വീട്ടിലേക്ക് കൂട്ടിക്കൊണ്ട് പോകാന്‍ എത്തിയതായിരുന്നു മകന്‍ സത്യനും ഭാര്യ ഗീതയും. ചവറ സി. ഐ ബിനു ശ്രീധറിന്റെ നേതൃത്വത്തിലുളള പോലിസ് സംഘം സ്ഥലത്തെത്തി .
നിര്‍മ്മാണത്തിലിരിക്കുന്ന വീടിനു സമീപത്തുളള ഷെഡ്ഡില്‍ വിവസ്ത്രയായി മരിച്ച് കിടക്കുന്ന നിലയില്‍ വൃദ്ധയെ കണ്ടെത്തുകയായിരുന്നു വെന്ന് പോലിസ് പറഞ്ഞു. മരണത്തില്‍ ദുരൂഹത ഉണ്ടെന്ന സംശയത്തിന്റെ അടിസ്ഥാനത്തില്‍ ഡോഗ് സ്‌ക്വാഡ്, വിരലടയാള വിദഗ്ദര്‍ എന്നിവരെത്തി പരിശോധന നടത്തി. എന്നാല്‍ ഷെഡിന്റെ വാതില്‍ പുറത്ത് നിന്നും കുറ്റിയിട്ട നിലയിലായിരുന്നു എന്ന് ബന്ധുക്കള്‍ ആരോപിക്കുന്നു.ഇത് സംശയത്തിന് ഇടയാക്കി
.മക്കള്‍: പരേതയായ രമണി , ലതിക, രജനി, സത്യന്‍. മരുമക്കള്‍ വിജയന്‍,പരേതനായ അജയകുമാര്‍, റെജി, ഗീത .
പ്രതികരിക്കാൻ ഇവിടെ എഴുതുക: