കുമരകം: അക്രമ രാഷ്‌ട്രീയത്തിലൂടെ അണികളെ കൂടെനിര്‍ത്താന്‍ സിപിഎം ശ്രമം. അണികള്‍ പാര്‍ട്ടി വിട്ട് ബിജെപിയില്‍ അംഗങ്ങളായി ചേര്‍ന്നുകൊണ്ടിരിക്കുകയാണ്. പാര്‍ട്ടിയുടെ വഴിവിട്ട നയങ്ങളെയും അഴിമതിയെയും ചോദ്യം ചെയ്താല്‍ കോണ്‍ഗ്രസ് നേതൃത്വവും അണികളും അക്രമത്തിനിരകളാകുമായിരുന്നതിനാല്‍ അഴിമതികളില്‍ പങ്കാളികളായി പഞ്ചപുച്ഛമടക്കി ഇരിക്കുകയായിരുന്ന ഘട്ടത്തിലാണ് സംഘ വിവിധ ക്ഷേത്ര പ്രസ്ഥാനങ്ങളുടെ വളര്‍ച്ച കുമരകത്തെ ജനങ്ങള്‍ക്ക് ആശ്വാസമായത്.
ഇതോടെ രണ്ടു പാര്‍ട്ടികളില്‍ നിന്നും കൂട്ടത്തോടെ പാര്‍ട്ടിവിട്ട് ബിജെപിയിലേക്ക് ജനങ്ങള്‍ ഒഴുകിത്തുടങ്ങി. ബിജെപിയുടെ വളര്‍ച്ചയ്‌ക്കു മുമ്പു വരെ പോലീസ് സ്റ്റേഷനുകള്‍ ഉള്‍പ്പെടെ വിവിധ ഓഫീസുകള്‍ ഭരിച്ചിരുന്നത് സിപിഎം ആയിരുന്നു. ഇന്ന് ആ അവസ്ഥയ്‌ക്കും മാറ്റം വന്നു.
പഞ്ചായത്തു തെരഞ്ഞെടുപ്പോടെ അധികാരവും നഷ്ടമാകുമെന്ന ഭയമണ് അക്രമ രാഷ്‌ട്രീയവുമായി ഗുണ്ടകളെ രംഗത്തിറക്കാന്‍ സിപിഎമ്മിനെ പ്രേരിപ്പിക്കു ഘടകം. പുറത്തുനിന്നുവരെ ഗുണ്ടകളെ ഇറക്കിയാണ് സിപിഎം രാഷ്‌ട്രീയം കളിക്കുന്നത്. ഇത് അധികകാലം നിലനില്‍ക്കില്ലെന്നാണ് നിഷ്പക്ഷമതികളായ ജനങ്ങളുടെയും രാഷ്‌ട്രീയ നിരീക്ഷകരുടെയും അഭിപ്രായം.
പ്രതികരിക്കാൻ ഇവിടെ എഴുതുക: