കോട്ടയം: പാറമ്പുഴയില്‍ ഒരു കുടുംബത്തിലെ മൂന്നുപേരെ കൊലപ്പെടുത്തിയ കേസിലെ പ്രതി രക്ഷപ്പെട്ടത് മാങ്ങാനം സ്വദേശിയുടെ ഓട്ടോറിക്ഷയിലാണെന്ന് സൂചന. പോലീസ് നിരീക്ഷണത്തിലുള്ള ഇയാളെ ഇന്ന് കസ്റ്റഡിയിലെടുത്തേക്കും. കഴിഞ്ഞ 16ന് രാത്രിയിലാണ് പാറമ്പുഴ മൂലേപറമ്പില്‍ ലാലസണ്‍, ഭാര്യ പ്രസന്നകുമാരി, മകന്‍ പ്രവീണ്‍ലാല്‍ എന്നിവരെ കോടാലിക്കടിച്ച് കൊലപ്പെടുത്തുകയായിരുന്നു.
സംഭവത്തിലെ പ്രതി ഉത്തര്‍പ്രദേശ് ഫിറോസാബാദ് സ്വദേശി നരേന്ദ്രകുമാറിനെ പോലീസ് കസ്റ്റഡിയിലെടുത്തിരുന്നു. ചോദ്യം ചെയ്യലിലാണ് ഇയാള്‍ കൃത്യത്തിനുശേഷം ഓട്ടോറിക്ഷയിലാണ് കോട്ടയം റയില്‍വേസ്റ്റേഷനില്‍ എത്തിയതെന്ന് പോലീസിനോട് പറഞ്ഞിരുന്നു. ഈ ഓട്ടോറിക്ഷ കണ്ടെത്തുന്നതിനുള്ള അന്വേഷണത്തിലായിരുന്നു അന്വേഷണസംഘം.
പ്രതികരിക്കാൻ ഇവിടെ എഴുതുക: