കൊല്ലം: രാജ ഇടിക്കൂട്ടില്‍ മാത്രമല്ല പരീക്ഷയിലും ഒന്നാമന്‍. കഴിഞ്ഞ മാസം എതിരാളികളെ ഇടിച്ചു താഴെയിട്ടു ബോക്‌സിങ്ങില്‍ സംസ്ഥാന ചാമ്പ്യന്‍ഷിപ് നേടിയ മയ്യനാട് ഹയര്‍ സെക്കണ്ടറി സ്‌കൂള്‍ വിദ്യാര്‍ത്ഥിയായ ഐ. രാജാ ഹയര്‍ സെക്കണ്ടറി പരീക്ഷയിലും അതേ സ്പിരിറ്റ് കാട്ടി.
ബോക്‌സിങ്ങ് പരിശീലനത്തിന്റെ തിരക്കുകള്‍ക്കിടയിലും പഠനത്തോട് നീതി പുലര്‍ത്തിയ രാജാ എല്ലാ വിഷയങ്ങള്‍ക്കും എ പ്ലസ് നേടി സ്‌കൂളിന്റെ അഭിമാനം നിലനിര്‍ത്തി.
തമിഴ് തൊഴിലാളികള്‍ തിങ്ങിപ്പാര്‍ക്കുന്ന ചിന്നക്കട നഗറിലേക്ക് വിജയത്തിന്റെ തിളക്കം കൊണ്ടുവന്ന രാജാ ആനന്ദജ്യോതി ഭവനില്‍ പി.അയ്യപ്പന്റെയും പി. ഉഷാദേവിയുടെയും മകനാണ്. മൂത്ത സഹോദരി സിഎ പരീക്ഷക്ക് പഠിക്കുന്ന ശെല്‍വ ഹയര്‍ സെക്കണ്ടറി പരീക്ഷയില്‍ നൂറു ശതമാനം മാര്‍ക്ക് വാങ്ങിയായിരുന്നു പാസ്സായത്.
പ്രതികരിക്കാൻ ഇവിടെ എഴുതുക: