നീലംപേരൂര്‍: നീലംപേരൂര്‍ പഞ്ചായത്ത് 3-ാം വാര്‍ഡില്‍ സ്വകാര്യ കമ്പനികള്‍ മൂലമുണ്ടാകുന്ന ജലമലിനീകരണം നിര്‍ത്തലാക്കണമൈന്ന് ആവശ്യപ്പെട്ടു ജനകീയ സമരസമിതി പഞ്ചായത്തുപടിക്കല്‍ അനശ്ചിതകാലത്തേയ്‌ക്ക് നിരാഹാര സത്യാഗ്രഹം തുടങ്ങി. ഒന്നാം വാര്‍ഡ് മെമ്പറും സമരസമിതി അംഗവും ഒന്നാം നമ്പര്‍ എസ്എന്‍ഡിപി ശാഖായോഗം വൈസ് പ്രസിഡന്റുമായ പി.ബിജുമോന് ഹാരം അണിയിച്ചുകൊണ്ട് പരിസ്ഥിതി പ്രവര്‍ത്തകനായ ജോ പെരുവന്താനം സമരം ഉദ്ഘാടനം ചെയ്തു. നീലംപേരൂര്‍-കൈനടി റോഡ് നിര്‍മ്മാണം പൂര്‍ത്തിയാക്കാത്തതില്‍ പ്രതിഷേധിച്ച് മാര്‍ച്ച് നടത്തിക്കൊണ്ടാണ് സമരസമിതി അംഗങ്ങള്‍ നിരാഹാരസമരം തുടങ്ങിയത്. എബി നീലംപേരൂര്‍ അധ്യക്ഷത വഹിച്ചു. എസ്എന്‍ഡിപി യോഗം കൗസിലര്‍ സന്തോഷ് ശാന്തി, എസ്.കെ. ബിജു, ജനകീയ പ്രതിരോധ സമിതി പ്രതിനിധി സദാനന്ദന്‍, സുകേഷ് കുമാര്‍, അജയ് നീലംപേരൂര്‍, സനല്‍ ഗുരുകുലം, സി.പി.രാജപ്പന്‍, കെ.പി.വിശ്വരാജ്, പി.ആര്‍.സതീശന്‍, ബിജു സേവ്യര്‍, ബാബു നാരായണന്‍ തുടങ്ങിയവര്‍ പ്രസംഗിച്ചു.
ജലമലിനീകരണം: നീലംപേരൂരില്‍ അനിശ്ചിതകാല നിരാഹാരം തുടങ്ങി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.