ചങ്ങനാശ്ശേരി: 14 വയസുകാരിയെ പ്രണയം നടിച്ച് പീഡിപ്പിക്കുകയും നഗ്നചിത്രങ്ങള്‍ എടുക്കുകയും ചെയ്്ത കേസില്‍ എഞ്ചിനീയറിങ് വിദ്യാര്‍ത്ഥിയടക്കം രണ്ടു യുവാക്കള്‍ അറസ്റ്റിലായി. കുറിച്ചി പാപ്പാഞ്ചിറ തടത്തില്‍ സബിന്‍ഗോപി (19), പാപ്പാഞ്ചിറ കുളങ്ങര വീട്ടില്‍ സനീഷ് (23) എന്നിവരെയാണ് ചങ്ങനാശ്ശേരി സിഐ വി.എ. നിഷാദ്‌മോന്റെ നേതൃത്വത്തില്‍ അറസ്റ്റ് ചെയ്തത്.
ചിങ്ങവനം സ്വദേശിനിയായ സ്‌കൂള്‍ വിദ്യാര്‍ത്ഥിനിയാണ് പീഡനത്തിനിരയായത്. സബിന്‍ ജിസാറ്റില്‍ ഒന്നാം വര്‍ഷ എഞ്ചിനീയറിങ് വിദ്യാര്‍ത്ഥിയാണ്. സനീഷ് വര്‍ക്ക്‌ഷോപ്പ് ജീവനക്കാരനും.
സബിനാണ് പെണ്‍കുട്ടിയോട് പ്രണയത്തിലായത്. കഴിഞ്ഞ ദിവസം തന്ത്രപൂര്‍വ്വം പെണ്‍കുട്ടിയെ ഒരു ഹോട്ടിലേക്ക് കൂട്ടികൊണ്ടുപോയി പീഡിപ്പിക്കുകയായിരുന്നു. തുടര്‍ന്ന് സനീഷിനും കൈമാറി. ഇരുവരും ചേര്‍ന്ന് നഗ്നചിത്രങ്ങള്‍ എടുക്കുകയും ചെയ്തു.വീട്ടിലെത്തിയ പെണ്‍കുട്ടി വിവരം അറിയിച്ചതനുസരിച്ച് മാതാപിതാക്കള്‍ പോലീസില്‍ പരാതി നല്‍കുകയായിരുന്നു. പെണ്‍കുട്ടികളുടെ ചിത്രങ്ങള്‍ പ്രതികള്‍ മറ്റാര്‍ക്കെങ്കിലും കൈമാറിയിട്ടുണ്ടോയെന്ന് പോലീസ് അന്വേഷിക്കും. എന്നാല്‍ ചിത്രങ്ങള്‍ ഇന്റര്‍നെറ്റിലും മറ്റും പ്രചരിപ്പിച്ചിട്ടില്ലെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: