കയറുമായിപ്പോയ ലോറി നിയന്ത്രണം തെറ്റി മറിഞ്ഞു

പട്ടണക്കാട്: ആലപ്പുഴയിലേക്ക് കയറുമായിപ്പോകുകയായിരുന്ന ലോറി നിയന്ത്രണംതെറ്റി മറിഞ്ഞു. വെള്ളിയാഴ്ച രാവിലെ 11ന് ദേശിയപാതയില്‍ പട്ടണക്കാട് പോലീസ് സ്‌റ്റേഷനുതെക്കുഭാഗത്തായിരുന്നു സംഭവം. നിയന്ത്രണംതെറ്റി മിനിലോറി മീഡിയനിലിടിച്ചുമറിയുകയായിരുന്നു. ഏറെനേരം ഗതാഗതം ഭാഗികമായി തടസപ്പെട്ടു. പട്ടണക്കാട് എസ്‌ഐ: അജയ്‌മോഹന്റെ നേതൃത്വത്തിലുള്ള സംഘം സ്ഥലത്തെത്തിയാണ് ഗതാഗതം പുനഃസ്ഥാപിച്ചത്.