ഓരോ മനുഷ്യനും സ്വന്തം ആദര്ശം സാക്ഷാത്കരിക്കാന് സഹായിക്കുന്നതിനെമാത്രമേ യഥാര്ത്ഥമെന്നു കരുതുന്നുള്ളു. പ്രാപഞ്ചികര്ക്കു പണമായി മാറ്റത്തക്കതെല്ലാം യഥാര്ത്ഥമാണ്. അതിന്നുതകാത്തതെല്ലാം അയഥാര്ത്ഥവും, സഹജീവികളുടെമേല് പ്രതാപം ചെലുത്താന് സഹായിക്കുന്നതെന്തോ അതാണ് അധികാരച്ഛേവിനു യഥാര്ത്ഥം; ശേഷമെല്ലാം ശൂന്യവും. ജീവിതത്തില് സ്വന്തം മമതാവിശേഷം എന്തിനൊടോ അതിന്റെ ഹൃദയത്തിടുപ്പുകള് പ്രതിധ്വനിപ്പിക്കാത്തതൊക്കെ ഒരുവന്നു ശൂന്യംതന്നെ.
ചിലരുടെ ഒരേ ഒരു ലക്ഷ്യം സ്വജീവിതശക്തിളെല്ലാം പണത്തിനും പേരിനും മറ്റു വല്ല ഭോഗങ്ങള്ക്കും വേണ്ടി ചെലവഴിക്കയാണ്; മറ്റു ചിലര്ക്ക് പ്രതാപത്തിന്റെ ഒരേ ഒരു ആവിഷ്ക്കാരം യുദ്ധസന്നദ്ധരായ കുപ്പിണികളുടെ മുന്നേറ്റമാണ്. വേറെ ചിലര്ക്കു ജീവിതം നല്കുന്ന ഒരേ ഒരു സുഖം ഇന്ദ്രിയോപഭോഗങ്ങളാണ്. ഈ കൂട്ടര്ക്കെല്ലാം എക്കാലവും ഭാരതം വമ്പിച്ചൊരു മരുഭൂമിയായിട്ടാണ് അനുഭവപ്പടുക. അവര്ക്കു മനസ്സിലാവുന്ന മട്ടിലുള്ള ജീവിതവികാസത്തെ തകര്ത്തുകളയുന്ന കാറ്റുകളാണുതാനും അതില്നിന്നടിക്കുന്നത്.
