കോട്ടയം: വിശ്വഹിന്ദു പരിഷത്ത് മാര്‍ഗ്ഗദര്‍ശക് മണ്ഡലിന്റെ ആഭിമുഖ്യത്തില്‍ സന്ന്യാസി സമ്മേളനത്തിന് ഇന്ന് തുടക്കമാകകും. രണ്ടുദിവസം നീണ്ടുനില്‍ക്കുന്ന സമ്മേളനം എരുമേലി കെടിഡിസിയിലാണ് നടക്കുന്നത്.
എരുമേലി വലിയമ്പലത്തില്‍ രാവിലെ 10ന് സദ്ഭാവനായജ്ഞം നടക്കും. തുടര്‍ന്ന് ക്ഷേത്രനടയില്‍ നിന്നും സന്യാസിശ്രേഷ്ഠരെ സമ്മേളനനഗരിയിലേക്ക് സ്വീകരിച്ചാനയിക്കും. 11.30ന് ഉദ്ഘാടനസഭ. സമ്മേളനം നാളെ ഉച്ചയ്‌ക്ക് ഒരുമണിയോടെ സമാപിക്കും. സമ്മേളനത്തില്‍ ഹൈന്ദവ ഏകോപനം, പ്രകൃതി ചൂഷണം, ശാസ്ത്രപഠനവും ആചരണവും എന്നീ വിഷയങ്ങളില്‍ ചര്‍ച്ച നടക്കും.
ബ്രഹ്മപാദാനന്ദ സരസ്വതി, ചിത്തുശുദ്ധജ്ഞാനതപസ്വി, ഗരുഡധ്വജാനന്ദ തീര്‍ത്ഥപാദര്‍, ശിവസ്വരൂപാനന്ദസ്വാമി, സുകൃതാനന്ദസ്വാമി, വിവേകാമൃതചൈതന്യ, കൈവല്യാനന്ദസ്വാമി, ഡോ. ധര്‍മ്മാനന്ദ സ്വാമി, വേദാനന്ദ സരസ്വതി, അഭയാനന്ദ തീര്‍ത്ഥപാദര്‍, സദാനന്ദപുരിസ്വാമി, വിശുദ്ധാനന്ദപുരി, ധ്രുവചൈതന്യസ്വാമി തുടങ്ങിയ സന്യാസിശ്രേഷ്ഠന്മാര്‍ സമ്മേളനത്തില്‍ പങ്കെടുക്കും.
പ്രതികരിക്കാൻ ഇവിടെ എഴുതുക: