ആലപ്പുഴ: കേരള വിശ്വകര്‍മ്മ യുവജനസംഘത്തിന്റെ ആഭിമുഖ്യത്തില്‍ ഏഴ് മുതല്‍ 15 വയസ് വരെയുള്ള വിദ്യാര്‍ത്ഥികള്‍ക്കായുള്ള സമൂഹ ഉപനയനം ഏപ്രില്‍ ഒമ്പത്, പത്ത് തീയതികളിലായി ആലപ്പുഴ ഉടുപ്പി ക്ഷേത്രം ഓഡിറ്റോറിയത്തില്‍ നടക്കും. അഖിലഭാരതീയ വിശ്വകര്‍മ്മ മഠം-തിരുവണ്ണാമല ശ്രീനന്തല്‍മഠം ആദി ശിവലിംഗാചാര്യ ഗുരുപീഠം ഇളയ മഠാധിപതി ശിവശ്രീ ശിവരാജ സ്വാമി കാര്‍മ്മികത്വം വഹിക്കും. ബാല്യം മുതല്‍ കുട്ടികളില്‍ നല്ലശീലവും ജ്ഞാനവും ആചാരങ്ങളും അനുഷ്ഠാനങ്ങളും പകര്‍ന്നു നല്‍കി വ്യക്തിത്വ വികസനത്തിലൂടെ യുവതലമുറയെ പ്രാപ്തരാക്കുവാനുള്ള ഒരു യജ്ഞ സമര്‍പ്പണമായാണ് സമൂഹ ഉപനയനകര്‍മ്മം സംഘടിപ്പിച്ചിരിക്കുന്നത്.
10ന് വൈകിട്ട് മൂന്നിന് സാംസ്‌കാരിക സമ്മേളനത്തില്‍ സ്വാമി അനുഗ്രഹ പ്രഭാഷണം നടത്തും. സമ്മേളനം കേരള വിശ്വകര്‍മ്മ സഭ സംസ്ഥാന പ്രസിഡന്റ് അഡ്വ. പി.ആര്‍. ദേവദാസ് ഉദ്ഘാടനം ചെയ്യും. ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി. ശശികല ടീച്ചര്‍ മുഖ്യപ്രഭാഷണം നടത്തും. യൂണിയന്‍ പ്രസിഡന്റ് പി. ഗണേശന്‍ അദ്ധ്യക്ഷത വഹിക്കും.
സി. നാഗപ്പന്‍, പി.പി. കൃഷ്ണന്‍, വി. രാജപ്പന്‍, വി. രാജഗോപാല്‍, വത്സാ അപ്പുക്കുട്ടന്‍, എസ്. സുരേഷ്, അഡ്വ. പി. ബിനു, ശോഭാ ശശിധരന്‍, വി.പി. ആചാരി, പി.കെ. പൊന്നപ്പന്‍, പി. സുരേന്ദ്രന്‍, രാജേഷ് ബാബു, നളിനാംബാള്‍, കെ.എസ്. ഉത്തമന്‍, പി.വി. മുത്തുസ്വാമി എന്നിവര്‍ ആശംസാ പ്രസംഗം നടത്തും. ഉപനയനത്തിനുള്ള രജിസ്‌ട്രേഷന്‍ ആരംഭിച്ചതായി ഭാരവാഹികള്‍ അറിയിച്ചു.
പ്രതികരിക്കാൻ ഇവിടെ എഴുതുക: