തുറവൂര്‍ കളരിക്കല്‍ ക്ഷേത്രത്തില്‍ ഉത്സവം

തുറവൂര്‍: കളരിക്കല്‍ ശ്രീ മഹാദേവീ ക്ഷേത്രത്തിലെ ഉത്സവം മാര്‍ച്ച് 16 തുടങ്ങി 23ന് സമാപിക്കും. 16ന് രാത്രി 7.30ന് നടക്കുന്ന കൊടിയേറ്റിന് കോരുത്തോട് ബാലകൃഷ്ണന്‍ തന്ത്രിയും ക്ഷേത്രം മേല്‍ശാന്തി ഗോപിയും മുഖ്യകാര്‍മ്മികത്വം വഹിക്കും. തുടര്‍ന്ന് കൊടിയേറ്റുസദ്യ. പറയ്‌ക്കെഴുന്നള്ളിപ്പ്, താലപ്പൊലി, സര്‍പ്പപ്പാട്ട് എന്നിവയുണ്ടായിരിക്കും. പള്ളിവേട്ട മഹോത്സവദിവസമായ 22ന് പൂരയിടി. 23നാണ് ആറാട്ടുമഹോത്സവം.