മാന്നാര്‍: കഞ്ചാവ് വില്‍പ്പന നടത്തുന്ന സംഘത്തില്‍പ്പെട്ട മൂന്ന് യുവാക്കളെ മാന്നാര്‍ പോലീസ് അറസ്റ്റ് ചെയ്തു. ചെട്ടികുളങ്ങര കണ്ണമംഗലം ഓടംപള്ളില്‍ വീട്ടില്‍ ബിജു (കൊപ്പാറ ബിജു-33), മാന്നാര്‍ കുരട്ടിശേരി ഇരമത്തൂര്‍ അച്ചാറത്തറ കിഴക്കേതില്‍ അന്‍ഷാദ് (21), തിരുവല്ല കുറ്റപ്പുഴ പുന്നേക്കുന്നംമുറി നെടുംപറമ്പില്‍ വീട്ടില്‍ അമീര്‍ (27) എന്നിവരെയാണ് എസ്‌ഐ: എസ്. ശ്രീകുമാറിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
ബിജു ഇപ്പോള്‍ മാന്നാര്‍ കുളഞ്ഞികാരാഴ്മ കുരുമ്പോലേത്ത് വീട്ടില്‍ വാടകയ്‌ക്ക് താമസിക്കുകയാണ്. ഇയാളില്‍ നിന്നും കഞ്ചാവ് വാങ്ങി ചെറുപൊതികളാക്കി വില്‍പ്പന നടത്തിവരികയാണ് മറ്റുള്ളവര്‍. ഇന്നലെ ചെന്നിത്തല മഹാത്മാ എച്ച്എസ്എസിന്റെ വടക്കുവശത്തുള്ള മൈതാനത്തില്‍ കഞ്ചാവ് കൈമാറുന്നതിനിടയിലാണ് മുവരെയും അറസ്റ്റ് ചെയ്യുന്നത്. രണ്ടു ബൈക്കുകളും കസ്റ്റഡിയില്‍ എടുത്തിട്ടുണ്ട്.
ഹര്‍ത്താലിനോടനുബന്ധിച്ചുള്ള പട്രോളിങ്ങിനിടെയാണ് മൂവരെയും മൈതാനത്ത് കണ്ടെത്തിയത്. പോലീസിനെ കണ്ട് രക്ഷപെടാന്‍ ശ്രമിക്കുന്നതിനിടയില്‍ പിടികൂടുകയായിരുന്നു. പരിശോധനയില്‍ പൊതികളാക്കി സൂക്ഷിച്ചിരുന്ന 20 ഗ്രാം കഞ്ചാവ് കണ്ടെത്തി. എഎസ്‌ഐ: സുബൈര്‍ റാവുത്തര്‍, സീനിയര്‍ സിവില്‍ പോലീസ് ഓഫീസര്‍മാരായ ബാബുക്കുട്ടന്‍, പ്രതാപചന്ദ്രമേനോന്‍, ഷൈന്‍, ഹോംഗാര്‍ഡ് വിശ്വനാഥന്‍ എന്നിവര്‍ പോലീസ് സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: