കോട്ടയം: ഹര്‍ത്താലിന്റെ മറവില്‍ യുവമോര്‍ച്ച നിയോജകമണ്ഡലം സെക്രട്ടറിക്ക് സിപിഎം പ്രവര്‍ത്തകരുടെ ക്രൂരമര്‍ദ്ദനം. യുവമോര്‍ച്ച നേതാവ് അഭിജിത്ത് രവിക്കാണ് മണര്‍കാട് മാലത്ത് മര്‍ദ്ദനമേറ്റത്. ബൈക്കില്‍ വരികയായിരുന്ന അഭിജിത്തിനെ പ്രകടനമായെത്തിയ സിപിഎം പ്രവര്‍ത്തകര്‍ മര്‍ദ്ദിക്കുകയായിരുന്നു. പരിക്കേറ്റ അഭിജിത്തിനെ മണര്‍കാട് സെന്റ്‌മേരീസ് ആശുപത്രിയില്‍ പ്രവേശിപ്പിച്ചു. മര്‍ദ്ദനത്തില്‍ പ്രതിഷേധിച്ച് മാലത്ത് സംഘ വിവിധ ക്ഷേത്ര സംഘനടകളുടെ നേതൃത്വത്തില്‍ പ്രതിഷേധപ്രകടനം നടത്തി. പ്രകടനത്തിന് ആര്‍എസ്എസ് താലൂക്ക് കാര്യവാഹ് വിനീത്, സഹകാര്യവാഹ് രാജേഷ്, ബിജെപി നിയോജകമണ്ഡലം ജനറല്‍ സെക്രട്ടറിമാരായ ഹരിപ്രസാദ്, ഉണ്ണിപുഷ്പവിലാസം, സര്‍ജ്ജുമാലം, ശ്രീകുമാര്‍ പുത്തന്‍മഠം, യുവമോര്‍ച്ച ജില്ലാ ഭാരവാഹികളായ അനൂപ് പയ്യപ്പാടി, ലാല്‍കൃഷ്ണ, നിയോജകമണ്ഡലം ഭാരവാഹിയായ ഗോകുല്‍മീനടം, എബിവിപി സംസ്ഥാന ജോയിന്റ് സെക്രട്ടറി ആര്‍. കൃഷ്ണരാജ് തുടങ്ങിയവര്‍ നേതൃത്വം നല്‍കി. സംഭവത്തില്‍ മണര്‍കാട് പോലീസ് കേസെടുത്ത് മേല്‍നടപടികള്‍ സ്വീകരിച്ചു.
Saturday, November 16, 2024
യുവമോര്‍ച്ച നേതാവിന് സിപിഎം മര്‍ദ്ദനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: