അമ്പലപ്പുഴ: മോഷ്ടിച്ച ബൈക്കുമായി യുവാവ് അറസ്റ്റില്‍. പുന്നപ്ര വടക്ക് പഞ്ചായത്ത് നാലാം വാര്‍ഡ് പേരൂര്‍ കോളനിയില്‍ സുശീലന്റെ മകന്‍ സുഭാഷാ (25)ണ് അറസ്റ്റിലായത്. പുന്നപ്ര എസ്ഐ: സാംമോന്റെ നേതൃത്വത്തില്‍ പട്രോളിങ്ങിനിടെ മാര്‍ച്ച് ഏഴിന് പുലര്‍ച്ചെ നാലരയോടെ പറവൂര്‍ ഭാഗത്ത്‌വെച്ച് സംശയത്തിന്റെ അടിസ്ഥാനത്തിലാണ് ഈയാളെ പിടികൂടിയത്. കഴിഞ്ഞ മൂന്നിന് രാത്രി പുന്നപ്ര വടക്ക് പഞ്ചായത്ത് കുരുമ്പേവെളിയില്‍ വീട്ടില്‍ സജീവിന്റെ ബൈക്കാണ് സുഭാഷ് മോഷ്ടിച്ചത്.
മോഷണകേസില്‍ ജയില്‍ ശിക്ഷ അനുഭവിച്ച ഈയാള്‍ കഴിഞ്ഞമാസം 13നാണ് തിരുവനന്തപുരം സെന്‍ട്രല്‍ ജയിലില്‍ നിന്ന് പുറത്ത് ഇറങ്ങിയത്. എസ്‌ഐക്കൊപ്പം എഎസ്‌ഐ: സുമിത്രന്‍, സിപിഒമാരായ സിദ്ദിക്ക്, ബൈജു, മനു, ജയന്‍ എന്നിവര്‍ പോലീസ് സംഘത്തില്‍ ഉണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. പ്രതിയെ കൂടുതല്‍ ചോദ്യം ചെയ്യുന്നതിനായി പ്രതിയെ വിട്ടുകിട്ടണമെന്ന് ആവശ്യപ്പെട്ട് കോടതിയില്‍ അപേക്ഷ നല്‍കുമെന്ന് എസ്ഐ പറഞ്ഞു.
പ്രതികരിക്കാൻ ഇവിടെ എഴുതുക: