ബംഗളൂരു: സന്നദ്ധ സേവന സംഘടനയായ ഉത്തിഷ്ഠയുടെ മൂന്നാമത് ഉത്തിഷ്ഠ സേവാപുരസ്കാര് പ്രഖ്യാപിച്ചു. കൊല്ലം ആസ്ഥാനമായി പ്രവര്ത്തിക്കുന്ന സ്വാന്തനം സേവാ കേന്ദ്രത്തിനാണ് അവാര്ഡ്. അര്ജുന അവാര്ഡ് ജേതാവ് ഡോ. മാലതി കെ ഹോല്ല ബംഗളൂരുവില് വച്ച് ഇന്ന് പുരസ്കാരം കൈമാറും.
ഒരു ലക്ഷം രൂപയും പ്രശസ്ത്രി പത്രവും അടങ്ങുന്നതാണ് അവാര്ഡ്. കൊല്ലം ജില്ലയിലെ ഐവര്കാല നടുവില് പ്രവര്ത്തിക്കുന്ന സ്വാന്തനം സേവാ കേന്ദ്രം, തെരുവില് അലഞ്ഞുനടക്കുന്ന രോഗികളെ കണ്ടെത്തി പുനരധിവസിപ്പിക്കുന്ന പ്രവര്ത്തനത്തിലൂടെയാണ് 2006 ല് സാമൂഹ്യസേവന രംഗത്തേക്ക് കടന്നുവന്നത്.
ആര്എസ്എസ് സേവാ വിഭാഗിന്റെ കീഴില് പ്രവര്ത്തിക്കുന്ന ഈ സ്ഥാപനം ദരിദ്ര വിദ്യാര്ത്ഥികള്ക്കുള്ള വിദ്യാഭ്യാസ സഹായങ്ങള്, അംഗവൈകല്യമുള്ളവര്ക്ക് ഉപകരണങ്ങള് തുടങ്ങിയവ സൗജന്യമായി നല്കിവരുന്നു. സാന്ത്വനത്തിന്റെ സേവനം കൂടുതല് വിപുലപ്പെടുത്തുന്നതിന് ഉദ്ദേശിച്ചുള്ള പുതിയൊരു കെട്ടിടം നിര്മ്മാണ ഘട്ടത്തിലാണ്. 2013 ല് അട്ടപ്പാടിയിലെ വിവേകാനന്ദ മെഡിക്കല് മിഷനും 2012 ല് നെയ്യാറ്റിന്കരയിലെ അഗസ്ത്യാര് ബാലസംസ്കാര കേന്ദ്രത്തിനുമായിരുന്നു പുരസ്കാരം ലഭിച്ചത്.
