മാവേലിക്കര: ക്ഷേത്ര പ്രവേശനത്തിനും സഞ്ചാര സ്വാതന്ത്ര്യത്തിനും വേണ്ടി 90 വര്‍ഷങ്ങള്‍ മുന്‍പ് ഹൈന്ദവ ജനത ജാതി ചിന്തയും ഉച്ചനീചത്വങ്ങളും മറന്ന് ഒന്നിച്ചു നിന്നുവെങ്കില്‍ അതിജീവനത്തിനും നിലനില്‍പ്പിനുമായി ഹൈന്ദവ ജനത ഒന്നിച്ചു നില്‍ക്കേണ്ട കാലഘട്ടമാണിതെന്ന് ടി.കെ. മാധവന്റെ ചെറുമകള്‍ ഡോ. വിജയ. വൈക്കം സത്യഗ്രഹത്തിന്റെ നവതി ആഘോഷത്തിന്റെ ഭാഗമായി ചെട്ടികുളങ്ങര ടി.കെ. മാധവസ്മൃതി മന്ദിരത്തില്‍ നിന്നും ഹിന്ദുഐക്യവേദിയുടെ നേതൃത്വത്തില്‍ നടന്ന ജ്യോതി പ്രയാണ യാത്ര ഉദ്ഘാടനം ചെയ്തു സംസാരിക്കുകയായിരുന്നു അവര്‍.
ഹിന്ദുഐക്യവേദി ജില്ലാ പ്രസിഡന്റ് എസ്. ശ്രീധരന്‍ അദ്ധ്യക്ഷത വഹിച്ചു. ഡോ. വിജയയില്‍ നിന്നും കേരള ചേരമര്‍ സര്‍വ്വീസ് സൊസൈറ്റി സംസ്ഥാന ജനറല്‍ സെക്രട്ടറിയും ഹിന്ദുഐക്യവേദി സംസ്ഥാന വര്‍ക്കിങ് പ്രസിഡന്റുമായ കെ.റ്റി. ഭാസ്‌ക്കരന്‍ ജ്യോതി ഏറ്റുവാങ്ങി. ജില്ലാ ജനറല്‍ സെക്രട്ടറി വിനോദ് ഉമ്പര്‍നാട്, സംഘടനാ സെക്രട്ടറി ശശികുമാര്‍, കെ.ജി. സഹജന്‍, ജി.കെ. ബിജു, ആര്‍.പ്രഭാകരന്‍, എസ്. രാമചന്ദ്രന്‍, എ.സി. പ്രസന്നന്‍, അഡ്വ.അരുണ്‍, ശ്രീജീഷ്, എം.ബി. അനീഷ് തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: