അമ്പലപ്പുഴ: ശ്രീമൂലം ടൗണ്‍ ക്ലബിന്റെ കെ.കെ. കുഞ്ചുപിള്ള മെമ്മോറിയല്‍ അഖിലകേരള വോളിബോള്‍ ടൂര്‍ണമെന്റ് മാര്‍ച്ച് ഒന്നുമുതല്‍ എട്ടുവരെ അമ്പലപ്പുഴ ശ്രീമൂലം ടൗണ്‍ ക്ലബ് ഫ്‌ളഡ്‌ലിറ്റ് സ്‌റ്റേഡിയത്തില്‍ നടക്കും. കേരളത്തിലെ പ്രമുഖ ടീമുകളും താരങ്ങളും പങ്കെടുക്കുന്ന ടൂര്‍ണമെന്റിനായി ഗാലറി നിര്‍മ്മാണം തുടങ്ങി. കേരള പോലീസ്, ഇലക്ട്രിസിറ്റി ബോര്‍ഡ്, കൊച്ചിന്‍ കസ്റ്റംസ്, ബിപിസിഎല്‍ കൊച്ചിന്‍, ഇന്ത്യന്‍ നേവി, കൊച്ചിന്‍ പോര്‍ട്ട് ട്രസ്റ്റ്, ഇന്ത്യന്‍ ആര്‍മി, ഇന്ത്യന്‍ എയര്‍ഫോഴ്‌സ് എന്നീ ടീമുകളും വനിതാ വിഭാഗത്തില്‍ കേരള പോലീസ്, അസംപ്ഷന്‍ കോളേജ് ചങ്ങനാശേരി, സെന്റ് ജോസഫ്‌സ് കോളേജ് ഇരിങ്ങാലക്കുട എന്നീ ടീമുകളും പങ്കെടുക്കും.
കോഴിക്കോട് സിറ്റിസണ്‍ കമ്പനി 2000 പേര്‍ക്ക് ഇരിക്കാവുന്ന കൂറ്റന്‍ ഗാലറിയാണ് നിര്‍മിക്കുന്നത്. പ്രവേശനം ടിക്കറ്റ് മുഖേനയാണ്. ടിക്കറ്റ് വില്പന തുടങ്ങിക്കഴിഞ്ഞു. ദേശീയ, സംസ്ഥാന താരങ്ങള്‍ ടൂര്‍ണമെന്റിന് എത്തും. ദേശീയ ഗെയിംസില്‍ വോളിബോള്‍ ആചാര്യനായ കലവൂര്‍ എന്‍.ഗോപിനാഥിനെ അവഗണിച്ചതില്‍ അമ്പലപ്പുഴ ശ്രീമൂലം ടൗണ്‍ ക്ലബ് പ്രതിഷേധിക്കുന്നതായും ഭാരവാഹികള്‍ പറഞ്ഞു.
പ്രതികരിക്കാൻ ഇവിടെ എഴുതുക: