ആലപ്പുഴ: ഓട്ടോറിക്ഷയും കാറും കൂട്ടിയിടിച്ച് ഓട്ടോറിക്ഷ മറിഞ്ഞ് രണ്ടുപേര്‍ക്ക് പരിക്ക്. ഇവരെ ആശുപത്രിയില്‍ പ്രവേശിപ്പിച്ചു. ഓട്ടോറിക്ഷ ഡ്രൈവര്‍ കളര്‍കോട് കാട്ടുങ്കല്‍ വീട്ടില്‍ അനീഷ് (30), ഓട്ടോ യാത്രക്കാരായ കളര്‍കോട് വാടക്കല്‍ പള്ളി വീട്ടില്‍ ബൈജു (41) എന്നിവരെയാണ് വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്.
ശനിയാഴ്ച ഉച്ചയ്‌ക്ക് ഒന്നോടെ ദേശീയപാതയില്‍ കളര്‍കോട് ജങ്ഷനിലായിരുന്നു അപകടം. കളര്‍കോടു നിന്നും പറവൂരിലേക്ക് പോയ ഓട്ടോറിക്ഷായില്‍ എതിര്‍ദിശയില്‍ നിന്നും വന്ന കാര്‍ ഇടിക്കുകയായിരുന്നു. ഇടിയുടെ ആഘാതത്തില്‍ ആട്ടോറിക്ഷ തലകീഴായി മറിയുകയും തുടര്‍ന്ന് ഇരുവരും ഓട്ടോറിക്ഷയുടെ അടിയില്‍പ്പെടുകയും ചെയ്തു. നാട്ടുകാര്‍ രക്ഷാപ്രവര്‍ത്തനം നടത്തി ഇവരെ ആശുപത്രിയില്‍ എത്തിക്കുകയായിരുന്നു. അനീഷ് അപകടനില തരണം ചെയ്തിട്ടില്ല. ആലപ്പുഴ ട്രാഫിക് പോലീസ് മേല്‍നടപടി സ്വീകരിച്ചു.
പ്രതികരിക്കാൻ ഇവിടെ എഴുതുക: