കുന്നിക്കോട്: കൊല്ലം തിരുമംഗലം ദേശീയപാതയോരത്ത് കുന്നിക്കോട് പച്ചിലവളവിന് സമീപത്തെ മാലിന്യനിക്ഷേപം യാത്രക്കാരെയും പ്രദ്ദേശവാസികളെയും ദുരിതത്തിലാക്കുന്നു. അറവ്മാലിന്യങ്ങള്‍ അടക്കം വന്‍തോതിലാണിവിടെ നിക്ഷേപിക്കപ്പെടുന്നത്. ചാക്കുകളിലും മറ്റുമായി എത്തിക്കുന്ന വസ്തുക്കള്‍ പാതയില്‍ വാഹനഗതാഗതത്തിനുവരെ തടസ്സം സൃഷ്ടിച്ചുകൊണ്ടാണ് നിക്ഷേപിക്കുന്നത്. മാലിന്യങ്ങള്‍ നിക്ഷേപിക്കുന്നത് കാരണം നിരവധി ആരോഗ്യപ്രശ്‌നങ്ങളും നാട്ടുകാര്‍ക്ക് ഉണ്ടാകുന്നുണ്ട്.
നിരവധി തവണ പഞ്ചായത്തില്‍ പരാതി നല്‍കിയിട്ടും ഫലമുണ്ടായില്ല. തെരുവ്‌നായ്‌ക്കള്‍കാരണം ഇരുചക്രവാഹനയാത്രികര്‍ അപകടത്തില്‍പ്പെടുന്നതും നിത്യസംഭവമായിരിക്കുന്നു. കുന്നിക്കോട്, ആവണീശ്വരം, തലവൂര്‍ എന്നിവിടങ്ങളില്‍ നിന്നും അറവുമാലിന്യങ്ങളുമായി രാത്രിയില്‍ നിരവധി വാഹനങ്ങളാണ് എത്തുന്നത്.
പ്രതികരിക്കാൻ ഇവിടെ എഴുതുക: