ന്യൂദല്ഹി: റിപ്പബ്ലിക് ദിനാഘോഷങ്ങളോടനുബന്ധിച്ച് രാജ്യം സൈനികസേവാ മെഡലുകള് പ്രഖ്യാപിച്ചു. 13 രജപുത്താന റൈഫിള്സിലെ നായിക് നീരജ്കുമാറിനാണ് മരണാനന്തര ബഹുമതിയായി ഉയര്ന്ന സൈനിക അവാര്ഡ് പ്രഖ്യാപിച്ചത്. മൂന്നുപേര്ക്ക് കീര്ത്തിചക്രയും 12 ശൗര്യചക്രയും 48സേനാ മെഡലുകളും ഉള്പ്പെടെ 374 മെഡലുകളാണ് പ്രഖ്യാപിച്ചത്.
ജമ്മു കശ്മീരില് ഭീകരരോട് ഏറ്റുമുട്ടി മരണം വരിച്ചതിനാണ് രാഷ്ട്രം നീരജ്കുമാറിന് അശോകചക്ര സമ്മാനിച്ചത്. 2014 ആഗസ്റ്റ്് 24ന് കുപ്വാര ജില്ലയിലെ ഗര്ഡാജിയില് ഭീകരരുടെ ഒളിത്താവളത്തില് തിരച്ചില് നടത്തുന്നതിനിടെ അതിസാഹസികമായ പ്രവൃത്തിയോടെ രണ്ടു ഭീകരരെ കൊലപ്പെടുത്തിയ നീരജ്കുമാര് വെടിയേറ്റ പരിക്കുകളോടെ പിന്നീട് മരണപ്പെട്ടു.
സഹപ്രവര്ത്തകന് വെടിയേറ്റപ്പോള് സ്വന്തം ജീവന് മറന്ന് അപകടമുഖത്തേക്ക് എടുത്തുചാടി ഭീകരരെ കൊലപ്പെടുത്തുകയായിരുന്നു നീരജ്കുമാര്. ബോധം മറയുന്നതുവരെ ഭീകരാക്രമണമുണ്ടായ സ്ഥലത്തുനിന്നും മാറാന് തയ്യാറാവാതെ നിന്ന നീരജ് പിന്നീട് നെഞ്ചില് തറച്ച വെടിയുണ്ട ഉണ്ടാക്കിയ പരിക്കിനെ അതീജീവിക്കാനാവാതെ വിധിക്കു കീഴടങ്ങി.
കഴിഞ്ഞവര്ഷം സ്വാതന്ത്ര്യദിനത്തില് മേജര് മുകുന്ദ് വരജരാജനും പരമോന്നത സൈനിക ബഹുമതിയായ അശോകചക്ര പ്രഖ്യാപിച്ചിരുന്നു.
ജമ്മുകശ്മീപിലെ ഷോപ്പിയാനില് മൂന്ന് ഹിസ്ബുള് ഭീകരരെ കൊലപ്പെടുത്തിയ ശേഷമാണ് മുകുന്ദ് മരണത്തിന് കീഴടങ്ങിയത്.
രാഷ്ട്രീയ റൈഫിള്സിലെ ക്യാപ്റ്റന് ജയദേവ്, ഗൂര്ഖാ റജിമെന്റിലെ സുബേദാര് കോശ് ബഹാദൂര് ഗുരുങ്, മരണാനന്തര ബഹുമതിയായി ഗര്വാള് റൈഫിള്സിലെ സുബേദാര് അജയ് വര്ദ്ധന് എന്നിവര്ക്കാണ് കീര്ത്തി ചക്ര ലഭിച്ചത്.
ശൗര്യചക്ര: ലഫ്.കേണല് സങ്കല്പ്പ് കുമാര് (മരണാനന്തരം), മേജര് മുകുള് ശര്മ്മ (മരണാനന്തരം), മേജര് അശുതോഷ് കുമാര് പാണ്ഡെ, മേജര് വംശി കൃഷ്ണന്, മേജര് ബിഭന്ഷു ദോണ്ഡിയാല്, നായിക് സ്വരൂപ് കുമാര്, ബല്വീന്ദര്സിങ് (മരണാനന്തരം), മംഗാ റാം, ജി.കെ വിജയകുമാര് (നാവികസേന), മഞ്ജീത് സിങ് (ആഭ്യന്തരമന്ത്രാലയം), മുഷ്താഖ് അഹമ്മദ് (മരണാനന്തരം).
മലയാൡകളായ ക്യാപ്റ്റന് കെ.പി രഞ്ജിത് (ബീഹാര് റെജിമെന്റ്), ലാന്സ് നായിക് എസ് അരുണ് (മരണാനന്തരം) എന്നിവര്ക്ക് ധീരതയ്ക്കുള്ള സേനാ മെഡല് ലഭിച്ചു. നാവികസേനയുടെ ധീരതയ്ക്കുള്ള മെഡല് വിഷ്ണു പി. ഉണ്ണി (മരണാനന്തരം)ക്ക് ലഭിച്ചു.
