ആലപ്പുഴ: ബാര്‍ കോഴ വിവാദത്തില്‍ ധനമന്ത്രി കെ.എം മാണിക്കെതിരായ വ്യത്യസ്ത പ്രതിഷേധവുമായി നടന്‍ അനൂപ് ചന്ദ്രന്‍ രംഗത്ത്. ഫെയ്‌സ്ബുക്കില്‍ പോസ്റ്റ് ചെയ്ത സെല്‍ഫി വീഢിയോയിലൂടെയാണ് അനൂപിന്റെ പ്രതിഷേധം. ‘മാണിക്ക് എന്റെ വക 500’ എന്ന പേരില്‍ സോഷ്യല്‍ മീഡിയയില്‍ ആരംഭിച്ച ക്യാംപെയ്‌ന്റെ ഭാഗമായാണ് അനൂപിന്റെ സെല്‍ഫി വീഡിയോ.
എന്റെ മാണി സാറെ, ആരുടെയെങ്കിലും കയ്യും കാലും പിടിച്ചിട്ടാണെങ്കിലും ആ സ്ഥാനത്ത് തന്നെയിരിക്കണം. ഒരിക്കലും ഒഴിഞ്ഞ് കളയരുതേ? ജനാധിപത്യത്തെ വെറുതേ നാണം കെടുത്തരുത് പ്ലീസ്? എന്ന് തുടങ്ങുന്ന അഭ്യര്‍ത്ഥനയാണ് അനൂപ് ഫെയ്‌സ്ബുക്ക് വീഡിയോയിലൂടെ നടത്തിയിരിക്കുന്നത്.
കേരളമെന്നു കേട്ടാലോ അഭിമാന പൂരിതമാകണം അന്തരംഗം. മാണിസാറെന്നു കേട്ടാലോ തിളക്കണം, ചോര നമുക്ക് ഞരമ്പുകളില്‍ എന്ന അടിക്കുറിപ്പോടെയാണ് വീഡിയോ ഷെയറുചെയ്തിരിക്കുന്നത്.
https://www.youtube.com/watch?x-yt-cl=84359240&v=Ew32z2PP7zc&feature=player_embedded&x-yt-ts=1421782837
പ്രതികരിക്കാൻ ഇവിടെ എഴുതുക: