ഇസ്ലാമബാദ്: പാക്കിസ്ഥാന് എല്ലാ ഭീകരതക്കെതിരെയും പോരാടണമെന്ന് അമേരിക്കന് വിദേശകാര്യ സെക്രട്ടറി ജോണ് കെറി. പാക്കിസ്ഥാനിലെത്തിയ കെറി ഡിസംബര് 16ന് ആര്മി സ്കൂളില് നടന്ന ഭീകരാക്രമണത്തില് കൊല്ലപ്പെട്ടവര്ക്ക് ആദരാഞ്ജലി അര്പ്പിച്ചു.
ഭീകരപ്രവര്ത്തനങ്ങളില് പാക്കിസ്ഥാന് ഡബിള് റോള് കളിക്കുകയാണ് പാശ്ചാത്യര്ക്ക് സംശയമുണ്ട്. കുറച്ച് ഭീകരര്ക്കെതിരെ പാക്കിസ്ഥാന് നടപടി സ്വീകരിക്കുമ്പോള് തന്നെ അവര് ഭാരതത്തിലെയും അഫ്ഗാനിസ്ഥാനിലെയും ഭീകരപ്രവര്ത്തനങ്ങള്ക്ക് മുഴുവന് പിന്തുണയും നല്കുകയും അവര്ക്ക് വേണ്ട സൗകര്യം നല്കുകയും ചെയ്യുന്നു. എല്ലാഭീകരര്ക്കെതിരെയും ഒരുപോലെ നടപടി സ്വീകരിക്കണമെന്ന് കെറി ആവശ്യപ്പെട്ടു. എല്ലാ ഭീകരവാദ സംഘടനകള്ക്കെതിരെയും നടപടി ശക്തമാക്കണമെന്ന് പാക്ക് സര്ക്കാരിനോട് ആവശ്യപ്പെട്ടിട്ടുണ്ട്.
അതിര്ത്തിയില് ഉണ്ടാകുന്ന സംഭവങ്ങളില് ആശങ്കയുണ്ട്. എന്നാല് ഭീകരവാദത്തിനെതിരായ പാക്കിസ്ഥാന്റെ ശ്രമങ്ങള്ക്ക് സഹായം നല്കുന്നത് തുടരും. താലിബാനെയും ലഷ്കര് ഇ തോയിബയെയും പോലുള്ള ഭീകരസംഘടനകള് പാക്കിസ്ഥാനു മാത്രമല്ല യുഎസിനും അയല്രാജ്യങ്ങള്ക്കും ഭീഷണിയാണെന്നും കെറി കൂട്ടിച്ചേര്ത്തു. ഭീകരരതക്കെതിരെയുള്ള പോരാട്ടത്തിന് വളരെ വേഗത്തില് സമാപനം കുറിക്കാനാകും.
