ചന്തിരൂര്‍: ശാന്തിഗിരി ആശ്രമ സ്ഥാപക ഗുരു നവജ്യോതി ശ്രീ കരുണാകരഗുരുവിന്റെ ജന്മനക്ഷത്രമായ ചോതി നാളില്‍ ഗുരുവിന്റെ ജന്മഗൃഹമായ ചന്ദിരൂരിലെ ശാന്തിഗിരി ആശ്രമത്തിലേയ്‌ക്ക് നടത്തുന്ന ശാന്തിഗിരി തീര്‍ത്ഥയാത്രയുടെ 15-ാമത് വാര്‍ഷികം ജനുവരി 14ന് നടക്കും. തീര്‍ത്ഥയാത്രയുടെ ഭാഗമായി കേരളത്തിന്റെ വിവിധ ഭാഗങ്ങളില്‍ നിന്നായി എത്തിച്ചേരുന്ന രണ്ടായിരത്തിലധികം വരുന്ന ഗുരുഭക്തരെയും അഭ്യൂദയകാംക്ഷികളെയും സ്വീകരിക്കാനുള്ള ഒരുക്കങ്ങള്‍ ശാന്തിഗിരി ആശ്രമം ചന്ദിരൂരില്‍ തുടങ്ങി. തീര്‍ത്ഥ യാത്രയ്‌ക്കുള്ള പതാക ശാന്തിഗിരി ആശ്രമം പോത്തന്‍കോട് നിന്ന് ജനുവരി 14ന് രാവിലെ എത്തിച്ചേരും. രാവിലെ എട്ടിന് എരമല്ലൂര്‍ ജങ്ഷനില്‍ നിന്ന് ആരംഭിക്കുന്ന തീര്‍ത്ഥയാത്ര ആശ്രമ സമുച്ചയത്തിലെത്തിച്ചേരുമ്പോള്‍ തീര്‍ത്ഥയാത്ര സമ്മേളനം ആരംഭിക്കും. ചടങ്ങില്‍ രാഷ്‌ട്രീയ-സാംസ്‌കാരിക-സാമൂഹിക രംഗത്തെ പ്രമുഖര്‍ സമ്മേളനത്തില്‍ പങ്കെടുക്കും. തീര്‍ത്ഥയാത്രയോടനുബന്ധിച്ചുള്ള അന്നദാനത്തിനുള്ള വിഭവ സമാഹരണം ചേര്‍ത്തല, പള്ളിപ്പുറം ഭാഗങ്ങളില്‍ തുടങ്ങി. 2000ല്‍ വളരെ ലളിതമായ രീതിയിലാണ് ശാന്തിഗിരി തീര്‍ത്ഥയാത്ര ആരംഭിച്ചത്.
Thursday, November 7, 2024
ശാന്തിഗിരി തീര്ത്ഥയാത്രയ്ക്ക് ഒരുക്കങ്ങള്‍ തുടങ്ങി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: