പത്തനംതിട്ട: സിപിഎം പത്തനംതിട്ട ജില്ലാ സെക്രട്ടറിയായി കെ.പി ഉദയഭാനുവിനെ തെരഞ്ഞെടുത്തു. സെക്രട്ടറി പദത്തില്‍ മൂന്ന് ടേം പൂര്‍ത്തിയാക്കിയ കെ.അനന്തഗോപന്‍ സ്ഥാനം ഒഴിഞ്ഞ പശ്ചാത്തലത്തിലാണ് ഉദയഭാനുവിനെ സെക്രട്ടറിയായി തെരഞ്ഞെടുത്തത്.
ഔദ്യോഗികപക്ഷത്തെ എ.പത്മകുമാര്‍, കഴിഞ്ഞ ജില്ലാ സമ്മേളനത്തിന് മുമ്പ് ഔദ്യോഗിക പക്ഷത്തേക്ക് കൂറു മാറിയ കെ.പി.ഉദയഭാനു എന്നിവരുടെ പേരാണ് സെക്രട്ടറി സ്ഥാനത്തേക്ക് സജീവമായി പരിഗണിച്ചിരുന്നത്. എന്നാല്‍ മത്സരത്തിനില്ലെന്ന് എ.പത്മകുമാര്‍ അറിയിക്കുകയായിരുന്നു.
നിലവിലെ കമ്മിറ്റിയില്‍ നിന്നും നാല് പേരെ ഒഴിവാക്കി 32 പേരുള്ള ജില്ലാ കമ്മിറ്റി രൂപീകരിച്ചു. എ.ലോപ്പസ്, കെ.പി ചന്ദ്രശേഖരക്കുറുപ്പ്, ഫിലിപ്പ് കോശി, എസ് സുഭഗഎന്നിവരെയാണ് ഒഴിവാക്കിയത്. ജില്ലയുടെ ചുമതലയുളള സംസ്ഥാന സെക്രട്ടേറിയേറ്റംഗം ആനത്തലവട്ടം ആനന്ദന്‍ ജില്ലാ സെക്രട്ടേറിയേറ്റംഗങ്ങളുമായി വെവ്വേറെ കൂടിക്കാഴ്ച നടത്തിയിരുന്നു.
പ്രതികരിക്കാൻ ഇവിടെ എഴുതുക: