കോട്ടയം: റോഡ് സുരക്ഷാവാരത്തിന്റെ സംസ്ഥാനതല ഉദ്ഘാടനം 11ന് രാവിലെ 11ന് സിഎംഎസ് കോളേജിലെ ഗ്രേറ്റ് ഹാളില്‍ മുഖ്യമന്ത്രി ഉമ്മന്‍ ചാണ്ടി നിര്‍വ്വഹിക്കും. മന്ത്രി തിരുവഞ്ചൂര്‍ രാധാകൃഷ്ണന്‍ അധ്യക്ഷത വഹിക്കും. 17 വരെയാണ് റോഡ് സുരക്ഷാവാരം.
ജോസ് കെ. മാണി എം.പി. മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് നിര്‍മ്മല ജിമ്മി, നഗരസഭാ ചെയര്‍മാന്‍ കെ.ആര്‍.ജി. വാര്യര്‍, വാര്‍ഡ് കൗണ്‍സിലര്‍ ഷൈനി ഫിലിപ്പ് എന്നിവര്‍ ആശംസ നേരും. സംസ്ഥാന റോഡ് സുരക്ഷാ കമ്മീഷണര്‍ ആര്‍. ശ്രീലേഖ സ്വാഗതവും ഡെപ്യൂട്ടി ട്രാന്‍സ്‌പോര്‍ട്ട് കമ്മീഷണര്‍ ഇ.എസ്. ജെയിംസ് നന്ദിയും പറയും.
പരിപാടിക്ക് മുന്നോടിയായി രാവിലെ 9.30ന് തിരുനക്കര മൈതാനിയില്‍ നിന്ന് സദ്‌യാത്ര വിളംബരജാഥ നടക്കും. ജാഥ സംസ്ഥാന റോഡ് സുരക്ഷാ കമ്മീഷണര്‍ ആര്‍. ശ്രീലേഖ ഫ്‌ളാഗ് ഓഫ് ചെയ്യും.
പ്രതികരിക്കാൻ ഇവിടെ എഴുതുക: