കാവിന്റെ മുറ്റത്ത് കൊടിയുയര്ന്നു
ഉത്സവമേളമായ് പത്തുനാളും
കാഴ്ചശീവേലിയും കൂത്തുമുണ്ട്
വേദിയില് നിറമാര്ന്ന കാഴ്ചയുണ്ട്
ആനകള് വന്നേറി തട്ടകത്തില്
പറയെടുപ്പുണ്ടതും മേളമോടെ
വള,പീപ്പി, റിബണുണ്ട് ചന്തമോടെ
വാനില് കളിയാടും ഡൈനകാണും
കാതടപ്പിക്കുന്ന പെരുമ്പടക്കം
ചെണ്ടമേല് തായമ്പക പൊടിച്ചു
കാത്തുനിന്നുണ്ടുഞാന് തൃപ്തിയോടെ
ദേവിയെ പ്രാര്ത്ഥിച്ചുനാട്ടുകാരും
വാളും ചിലമ്പുമായ്, കോമരവും
ദേവിയെ വാഴ്ത്തുന്ന കീര്ത്തനങ്ങള്
ചൊല്ലീനടക്കുന്നു സജ്ജനങ്ങള്
ഉത്സാഹമേളമായ് കുട്ടികളും
നിറവാര്ന്ന വന്ജനം വന്നുമെത്തി
അതിശക്തമാകുന്ന പൊരിവെയിലും
കാറ്റുണ്ട്,പൊടിയോടെ വല്ലപ്പോഴും
