കൊച്ചി: ശബരിമല സര്‍വ്വീസ് നടത്തുന്ന സ്‌പെഷല്‍ ബസ്സില്‍ കയറി ബഹളം വെയ്‌ക്കാന്‍ കിസ്സ് ഓഫ് ലവ് പ്രവര്‍ത്തകര്‍ നടത്തിയ ശ്രമം പോലീസ് തടഞ്ഞു. ഇന്നലെ രാത്രി ഒന്‍പത് മണിയോടെയാണ് അഞ്ചോളം പേര്‍ വരുന്ന സംഘം പമ്പ ബസ്സില്‍ കയറാന്‍ ശ്രമിച്ചത്. നേരത്തെ പ്ലാന്‍ ചെയ്തതനുസരിച്ച് അയ്യപ്പ ഭക്തരെ അവഹേളിക്കാന്‍ ലക്ഷ്യമിട്ടാണ് സംഘമെത്തിയത്.
മീഡിയ വണ്‍ ചാനല്‍ സംഘവും സ്ഥലത്തുണ്ടായിരുന്നു. ബസ്സില്‍ അയ്യപ്പഭക്തര്‍ നിറഞ്ഞിരുന്നതിനാല്‍ സീറ്റ് ഒഴിവുണ്ടായിരുന്നില്ല. ബസ്സില്‍ കയറുന്നതിനു മുന്‍പ് തന്നെ കിസ്സ് ഓഫ് ലവ് സംഘത്തെ സെന്‍ട്രല്‍ പോലീസെത്തി അറസ്റ്റ് ചെയ്യുകയായിരുന്നു. തുടര്‍ന്ന് മറ്റൊരു സംഘവും രംഗത്തെത്തിയെങ്കിലും ഇവരേയും പോലീസ് അറസ്റ്റ് ചെയ്ത് മാറ്റി.
വിവരമറിഞ്ഞ് ഹൈന്ദവ സംഘടനാ പ്രവര്‍ത്തകരും ഒട്ടേറെ നാട്ടുകാരും ഇവരെ നേരിടാന്‍ ബസ്റ്റാന്റിലെത്തിയിരുന്നു. മഫ്ടിയില്‍ വന്‍ പോലീസ് സംഘവും സ്ഥലത്തുണ്ടായിരുന്നു. ആസൂത്രിതമായി കലാപമുണ്ടാക്കാനുള്ള ചില വര്‍ഗീയ സംഘടനകളുടെയും അവരുടെ ചാനലുകളുടേയും നീക്കമാണ് സംഭവത്തിനു പിന്നിലെന്നാണ് പോലീസ് നിഗമനം.
പ്രതികരിക്കാൻ ഇവിടെ എഴുതുക: