ആലപ്പുഴ: കെഎസ്ആര്‍ടിസി ബസ് ബൈക്കില്‍ തട്ടിയതിനെച്ചൊല്ലിയുണ്ടായ തര്‍ക്കത്തെ തുടര്‍ന്ന് ബസ് െ്രെഡവര്‍ക്ക് ക്രൂരമര്‍ദ്ദനം. പരിക്കേറ്റ ഹരിപ്പാട് ഡിപ്പോയിലെ െ്രെഡവര്‍ ആലപ്പുഴ നഗരസഭ ആശ്രമം വാര്‍ഡ് പ്രശാന്തിയില്‍ ലളിത്കുമാറി (32)നെ ജനറല്‍ ആശുപത്രിയില്‍ പ്രവേശിപ്പിച്ചു. ലളിതിനെ മര്‍ദ്ദിച്ച ബൈക്ക് യാത്രക്കാരനെ പിന്തുടര്‍ന്ന രണ്ട് ബസ് യാത്രക്കാര്‍ക്കും മര്‍ദ്ദനമേറ്റു. ബുധനാഴ്ച ഉച്ചയോടെ ആലപ്പുഴ നഗരത്തില്‍ കല്ലുപാലത്തിന് സമീപമായിരുന്നു സംഭവം. എറണാകുളത്തു നിന്ന് തിരുവനന്തപുരത്തേക്ക് പോവുകയായിരുന്ന ഫാസ്റ്റ് പാസഞ്ചര്‍ ബസ് കല്ലുപാലത്തിന് തെക്കേകരയില്‍ പടിഞ്ഞാറ് ഭാഗത്തേക്ക് തിരിയവെ റോഡരികിലിരുന്ന ബൈക്കിന്റെ സൈലന്‍സറില്‍ ഉരയുകയും ബൈക്ക് നിലത്ത് വീഴുകയും ചെയ്തു. ഇതേത്തുടര്‍ന്ന് ബൈക്കിന്റെ ഉടമ ബസിനുള്ളില്‍ കയറി െ്രെഡവറെ മര്‍ദിക്കുകയായിരുന്നു. ഇതിനുശേഷം ഇറങ്ങിയോടിയ ഇയാളെ യാത്രക്കാര്‍ പിന്തുടര്‍ന്നെങ്കിലും ഏഴോളം വരുന്ന സംഘം ഇവരെ തടയുകയും ബൈക്ക് യാത്രക്കാരനെ രക്ഷപെടാന്‍ അനുവദിക്കുകയും ചെയ്തയായി ആലപ്പുഴ സൗത്ത് പോലീസില്‍ നല്‍കിയ പരാതിയില്‍ പറയുന്നു.
Thursday, November 28, 2024
കെഎസ്ആര്‍ടിസി ഡ്രൈവറെ ബൈക്ക് യാത്രികന്‍ മര്‍ദ്ദിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: