ഇടിമിന്നലില്‍ ഛിന്നഭിന്നമായ കാറ്റാടിമരം
ആലപ്പുഴ: ഇടിവെട്ടേറ്റ് കാറ്റാടിമരം ഛിന്നഭിന്നമായി. സമീപത്തെ ലേഡീസ് ഹോസ്റ്റലിലുണ്ടായിരുന്നവര്‍ പരിഭ്രാന്തരായി, ആളപായമില്ല. വണ്ടാനം മെഡിക്കല്‍ കോളേജ് ലേഡീസ് ഹോസ്റ്റലിനു സമീപത്തുനിന്ന കാറ്റാടി മരമാണ് ഇടിവെട്ടേറ്റു ഛിന്നഭിന്നമായത്. തുടര്‍ന്ന് ലേഡീസ് ഹോസ്റ്റലിലേക്ക് ശക്തിയായ കാറ്റും തീപ്പൊരികളും എത്തിയതെടെ ഇവിടെ താമസിച്ചിരുന്ന ഡോക്ടര്‍മാര്‍ ഉള്‍പ്പെടെയുള്ള ആശുപത്രി ജീവനക്കാര്‍ പരിഭ്രാന്തരായി. ചൊവ്വാഴ്ച അര്‍ദ്ധരാത്രിയിലുണ്ടായ ഇടിവെട്ടേറ്റാണ് കാറ്റാടി മരത്തിന്റെ മുകള്‍ഭാഗം കത്തിയമര്‍ന്നത്. ഇടിമിന്നലേറ്റാല്‍ വളരെ പെട്ടെന്ന് തീപിടുത്തങ്ങളുണ്ടാകുന്നവയാണ് കാറ്റാടിമരം. ഇവിടുത്തെ മരങ്ങളില്‍ ഒരു മരം രണ്ടുവര്‍ഷത്തിനു മുമ്പ് ഇടിമിന്നലേറ്റ് കത്തിയമര്‍ന്നിരുന്നു. എന്നാല്‍ ഈ മരങ്ങള്‍ വെട്ടിമാറ്റണമെന്ന് അധികൃതരോട് ഹോസ്റ്റലില്‍ കഴിയുന്നവര്‍ ആവര്‍ത്തിച്ചാവശ്യപ്പെട്ടിട്ടും അധികാരികള്‍ നടപടിയെടുക്കാന്‍ തയ്യാറാകുന്നില്ല.
പ്രതികരിക്കാൻ ഇവിടെ എഴുതുക: