ഓവറോള്‍ ചാംപ്യന്മാരായ മുഹമ്മ ചാരമംഗലം ഗവ. സംസ്‌കൃത ഹൈസ്‌കൂള്‍ വിദ്യാര്‍ത്ഥികള്‍06
മുഹമ്മ: സംസ്‌കൃത കലോത്സവത്തില്‍ ചേര്‍ത്തല ഉപജില്ലയില്‍ ഏറ്റവും കൂടുതല്‍ പോയിന്റ് നേടി മുഹമ്മ ചാരമംഗലം ഗവ. സംസ്‌കൃത ഹൈസ്‌കൂള്‍ ഓവറോള്‍ ചാംപ്യന്മാരായി. ഡിസംബര്‍ ഒന്ന്, രണ്ട്, മൂന്ന്, നാല് തീയതികളില്‍ ചേര്‍ത്തല സെന്റ് മേരീസ് ഹൈസ്‌കൂളിലാണ് മത്സരങ്ങള്‍ നടന്നത്. യുപി വിഭാഗത്തില്‍ എണ്‍പത്തിയൊന്നും ഹൈസ്‌കൂള്‍ വിഭാഗത്തില്‍ എണ്‍പത്തിമൂന്നും പോയിന്റുകളാണ് സംസ്‌കൃത ഹൈസ്‌കൂളിന് ലഭിച്ചത്. രചനാ വിഭാഗത്തിലും സ്‌റ്റേജ് വിഭാഗത്തിലുമായി 24 കുട്ടികളാണ് സ്‌കൂളിനെ പ്രതിനിധീകരിച്ചത്. കൂടാതെ ജനറല്‍ വിഭാഗത്തില്‍ നാടോടിനൃത്തത്തിന് ആറാംക്ലാസ് വിദ്യാര്‍ത്ഥിനി ഹൃദ്യയ്‌ക്ക് മൂന്നാംസ്ഥാനവും ലഭിച്ചു. കുട്ടികള്‍ക്ക് സ്‌കൂളില്‍ നല്‍കിയ ചിട്ടയായ പരിശീലനവും അര്‍പ്പണ മനോഭാവവുമാണ് ഈ മികച്ച നേട്ടത്തിന് പിന്നില്‍.
പ്രതികരിക്കാൻ ഇവിടെ എഴുതുക: