മാന്നാര്‍: ഹരിപ്പാട് പോലീസ് സ്‌റ്റേഷന്‍ പരിധിയില്‍പ്പെട്ട പ്രദേശങ്ങളില്‍ വിദേശമദ്യം ചില്ലറ വില്‍പ്പന നടത്തിയ യുവാവിനെ 12 കുപ്പി മദ്യവുമായി മാന്നാര്‍ പോലീസ് അറസ്റ്റ് ചെയ്തു. പള്ളിപ്പാട് മുട്ടുംപാട്ട് വീട്ടില്‍ വിഷ്ണു (22)വിനെയാണ് മാന്നാര്‍ എസ്‌ഐ: എസ്. ശ്രീകുമാറിന്റെ നേതൃത്വത്തില്‍ അറസ്റ്റ് ചെയ്തത്. മാന്നാര്‍ സ്‌റ്റോര്‍ ജങ്ഷനിലുള്ള വിദേശമദ്യവില്‍പ്പന ശാലയില്‍ നിന്നുമാണ് ഇയാള്‍ മദ്യം വാങ്ങുന്നത്. തിങ്കളാഴ്ച വാഹന പരിശോധന നടത്തുകയായിരുന്ന പോലീസിനെ കബളിപ്പിച്ച് ബൈക്ക് ഉപേക്ഷിച്ച് ഇയാള്‍ രക്ഷപെട്ടിരുന്നു. ബൈക്കില്‍ നിന്നും 12 കുപ്പി മദ്യം പോലീസ് കണ്ടെടുത്തു. തുടര്‍ന്ന് നടത്തിയ അന്വേഷണത്തില്‍ ഇന്നലെ പള്ളിപ്പാട് നിന്നും ഇയാളെ അറസ്റ്റ് ചെയ്യുകയായിരുന്നു.
Saturday, November 2, 2024
12 കുപ്പി വിദേശമദ്യവുമായി യുവാവ് അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: