മോദിക്ക് ഓസ്ട്രേലിയയില് അസാധാരണ സ്വീകരണം കിട്ടിയത് വെറും കയ്യടിനേടാനുള്ള നാടകമാണെന്നാണ് കോണ്ഗ്രസിന്റെ ആരോപണം. ഇത്തരം നടാകം അവര് അധികാരത്തിലിരുന്നപ്പോഴും കളിക്കാമായിരുന്നല്ലോ? സല്മാന് ഖുര്ഷിദ് ആരോപിക്കുന്നത് ബ്രസ്ബേന് സിറ്റിഹാളില് തിങ്ങിനിറഞ്ഞ ജനക്കൂട്ടത്തെ ഇറക്കുമതി ചെയ്തുവെന്നാണ്. അതും ഭാരതത്തില്നിന്നുപോലും ഇറക്കുമതി ചെയ്തിട്ടുണ്ടത്രെ! നന്നായി. എയര്ലൈന്സുകാര്ക്കു നല്ല കോളായി. ഇനിയും മോദി മറ്റു വിദേശ രാജ്യങ്ങളിലേക്ക് കൂടെക്കൂടെ യാത്ര പോകാന് അവര് പ്രാര്ത്ഥിക്കുന്നുണ്ടാകും.
അസ്വസ്ഥതയും ഇരിയ്ക്കപ്പൊറുതിയും കോണ്ഗ്രസിന് അനുഭവപ്പെടുന്നുണ്ടെങ്കില് അതിനുത്തരവാദി അവര് തന്നെയാണ്. ഒരുപദേശം. കുറച്ചുകാലം അവര് വിഡ്ഢിത്തമൊന്നുമെഴുന്നെളിക്കാതെ മിണ്ടാതിരിക്കുക. ഭരണമെന്നാല് എന്താണെന്ന് അഞ്ചുകൊല്ലം കണ്ട് പഠിക്കുക. എന്നിട്ട് കുടുംബഭരണത്തെ ആശ്രയിക്കാതെ സമുദായ സേവനത്തിന് ആത്മാര്ത്ഥമായി ആഗ്രഹിക്കുന്ന ഒരു ജനങ്ങളുടെ നേതാവിനെ കണ്ടെത്തി പിന്നെ ഒരു അഞ്ചുകൊല്ലം കൂടി കാത്തിരിക്കുക. അതിനുശേഷം ആ നേതാവ് പ്രധാനമന്ത്രിയാവാന് ശ്രമിക്കുക. ഒരു സംശയം തോന്നുന്നു. അഞ്ചുകൊല്ലം കഴിഞ്ഞാല് കോണ്ഗ്രസ്സെന്ന ഒരു രാഷ്ട്രീയ പാര്ട്ടി ഉണ്ടാകുമോ!
തളി ശങ്കരന് മൂസ്സത് ഇടപ്പള്ളി
പ്രതികരിക്കാൻ ഇവിടെ എഴുതുക: