വ്യത്യസ്ത വാഹന അപകടങ്ങളില്‍ നാലുപേര്‍ക്ക് പരിക്ക്

കായംകുളം: വ്യത്യസ്ത വാഹനാപകടങ്ങളില്‍ നാലു പേര്‍ക്ക് പരിക്ക്. കായംകുളം കൊറ്റുകുളങ്ങര പുത്തന്‍ റോഡ് ജങ്ഷനില്‍ 16ന് വൈകിട്ട് മൂന്നോടെ ബൈക്കില്‍ യാത്ര ചെയ്യുകയായിരുന്ന ദമ്പതിമാരായ വള്ളിക്കാവ് രഞ്ജിത്ത് ഭവനത്തില്‍ രമണന്‍ (60) സുധര്‍മ്മ (47) എന്നിവര്‍ക്ക് പിന്നില്‍ കാര്‍ ഇടിച്ചാണ് അപകടം ഉണ്ടായത്. ഗുരുതരമായി പരിക്കേറ്റ ഇവരെ വണ്ടാനം മെഡിക്കല്‍ കോളേജില്‍ പ്രവേശിപ്പിച്ചു. കെപി റോഡില്‍ മൂന്നാംകുറ്റിക്ക് സമീപം വൈകിട്ട് മൂന്നിന്‌ബൈക്കും കാറും കൂട്ടിയിടിച്ച് ബൈക്ക് യാത്രക്കാരായ സഹോദരങ്ങള്‍ക്ക് പരിക്ക്. പുതിയവിള ചിത്രാലയത്തില്‍ വിനീത (35) ഇവരുടെ സഹോദരന്‍ പാവുമ്പ വിനീതാഭവനത്തില്‍ വിനീഷ് (30) എന്നിവര്‍ക്കാണ് പരിക്ക്. ഇവരെ കായംകുളം സര്‍ക്കാര്‍ ആശുപത്രിയില്‍ പ്രവേശിപ്പിച്ചു.