ഗുരുര്ഗുരുതമോ ഗമ്യോ ഗന്ധര്വഗണവന്ദിതഃ
രുക്മിണീവല്ലഭഃ ഗൗരീ ബലരാമസഹോദരഃ
”ഗുരുര് ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ
ഗുരുഃ സാക്ഷാത് പരംബ്രഹ്മ, ഗുരു മഹേശ്വര ദേവനാണ്. ഗുരു സാക്ഷാല് പരബ്രഹ്മാണ്. ആ ശ്രീഗുരുവിനു നമസ്കാരം) എന്ന ഗുരുവന്ദനം മനസ്സിലുറപ്പിച്ചു ഗുരുവായൂരമ്പലത്തിലെ ശ്രീകോവിലിനുള്ളില് പ്രകാശിക്കുന്ന ഭഗവദ്രൂപത്തില് മനസ്സുറപ്പിക്കാന് കഴിഞ്ഞാല് അറിയേണ്ടതെല്ലാം മനസ്സില് തെളിയും. ഗുരു ശബ്ദത്തിനു വേറെ വ്യാഖ്യാനം വേണ്ട.
ദേവഗുരുവായ ബൃഹസ്പതിയെയും ഗുരുശബ്ദം കുറിക്കും. ഗുരുവായൂരില് ഭഗവാനെ പ്രതിഷ്ഠിച്ച് നമ്മെ അനുഗ്രഹിച്ചത് ഗുരുവും വായുവും കൂടിയാണല്ലോ. ജ്യോതിഷത്തില് ഓരോരുത്തരുടെയും ഭാഗധേയം നിര്ണ്ണയിക്കാനായി പരിഗണിക്കുന്ന നവഗ്രഹങ്ങളില് ഭാഗ്യകാരകന് ബൃഹസ്പതിയാണ്. വ്യാഴം എന്നുകൂടി പേരുള്ള ബൃഹസ്പതി അനുകൂലനായാല് ജാതകന് ഭാഗ്യവാനാകും.
ഇതുതൊട്ടുള്ള അമ്പത്തിയൊന്നു നാമങ്ങള് എട്ടു ശ്ലോകങ്ങളിലെ പതിനാറു വരികളിലായി ഘടിപ്പിച്ചിരിക്കുന്നു. ”ഗുരുപവനപുരേശ രോഗതാപം പ്രശമായ” എന്ന പ്രാര്ത്ഥനാ മന്ത്രത്തിലെ ഓരോ അക്ഷരം കൊണ്ടാണ് ഓരോ ശ്ലോകവും തുടങ്ങുന്നത്. ഈ സഹസ്രനാമം ആരംഭിച്ചത് ”ഗുരുവായൂ പുരാധീശ മമ രോഗമപാകരു” എന്ന അപേക്ഷാമന്ത്രത്തിലെ അക്ഷരങ്ങള് കൊണ്ടു തുടങ്ങുന്ന വരികള്കൊണ്ടാണ്. ഈ സഹസ്രനാമത്തിനു രോഗഹര സഹസ്രനാമമെന്നും പേരുണ്ടാകാന് കാരണം ഈ മന്ത്രാക്ഷര ഘടനയാണ്. ഈ സ്തോത്രത്തിലെ ആദ്യത്തെയോ അവസാനത്തെയോ എട്ടു ശ്ലോകങ്ങള് രോഗശാന്തിക്കായി പ്രതേ്യക സ്തോത്രമായും ജപിക്കാവുന്നതാണ്. ലോകത്തിന്റെ ദുരിതങ്ങള് ശമിപ്പിക്കുന്ന ഭക്തവത്സലനായ ഗുരുവായൂരപ്പന് ഭക്തനെ തീര്ച്ചയായും രോഗമില്ലാത്തവനാക്കും.
(തുടരും)
