തൃശൂര്‍: നവവധുവിനെ വീട്ടില്‍ കയറി അക്രമിച്ച കേസില്‍ പ്രതിക്കെതിരെ നടപടി എടുക്കാത്തതില്‍ പ്രതിഷേധിച്ച് നാട്ടുകാര്‍ പോലീസ് സ്റ്റേഷനില്‍ ബഹളമുണ്ടാക്കിയത് സംഘര്‍ഷത്തിന് കാരണമാക്കി. ഇന്നലെയാണ് സംഭവം. പറപ്പൂര്‍ പോന്നോര്‍ ചവറാട്ടില്‍ വീട്ടില്‍ നീതു (18) വിനാണ് രണ്ടുദിവസം മുമ്പ് ബൈക്കിലെത്തിയ രണ്ടംഗസംഘം ഇരുമ്പ് വടികൊണ്ട് അടിച്ച് പരിക്കേല്‍പ്പിച്ചത്.
സംഭവത്തിന് കാരണമായി പറയുന്നത് രണ്ടുദിവസം മുമ്പ് പറപ്പൂരില്‍ നിന്നും തൃശൂരിലേക്ക് ബസ്സില്‍ പോവുകയായിരുന്ന യുവതിയോട് കണ്ടക്ടര്‍ മൊബൈല്‍ നമ്പര്‍ ചോദിക്കുകയും അപമര്യാദയായി പെരുമാറുകയും ചെയ്തിരുന്നു. ഇതേത്തുടര്‍ന്ന് യുവതി ഇക്കാര്യം ഭര്‍ത്താവിനെ അറിയിക്കുകയും. ഭര്‍ത്താവും സുഹൃത്തും കൂടി ബസ്സ് കണ്ടക്ടറെ മര്‍ദ്ദിച്ചതായി ആരോപിക്കുന്നു. മാത്രമല്ല യുവതിയുടെ കഴുത്തില്‍ നിന്നും ഒരു പവന്റെ മാല നഷ്ടപ്പെട്ടതായി കാണിച്ച് യുവതിയും ഭര്‍ത്താവും കുന്നംകുളം പോലീസില്‍ പരാതി നല്‍കിയിട്ടുണ്ട്.
മര്‍ദ്ദനത്തില്‍ പരിക്കേറ്റ യുവതി അമല മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. പെണ്‍കുട്ടിയെ മര്‍ദ്ദിച്ച സംഭവം ഗൗരവമായി കാണാതെ പോലീസിന്റെ നടപടിയില്‍ പ്രതിഷേധിച്ച് നാട്ടുകാരും മനുഷ്യാവകാശ സാമൂഹ്യപ്രവര്‍ത്തകരും പേരാമംഗലം പോലീസ് സ്റ്റേഷനിലെത്തി ബഹളമുണ്ടാക്കുകയും ഏറെ നേരം സംഘര്‍ഷാവസ്ഥ സൃഷ്ടിക്കുകയും ചെയ്തു. ഒടുവില്‍ മൂന്നുപേര്‍ക്കെതിരെ കേസെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: