ചെങ്ങന്നൂര്‍: വെണ്മണിയില്‍ ആറംഗസംഘം വീടു കയറി നടത്തിയ ആക്രമണത്തില്‍ സ്ത്രീയടക്കം മൂന്നുപേര്‍ക്ക് പരിക്കേറ്റു. മെണ്മണി വളയത്തില്‍ കോളനി പ്ലാന്തറ വീട്ടില്‍ ഗോപി, മകന്‍ ഗോപന്‍ (30), മരുമകള്‍ രജനി എന്നിവര്‍ക്കാണ് പരിക്കേറ്റത്. കഴിഞ്ഞദിവസം വൈകിട്ടായിരുന്നു സംഭവം. സജു, സനല്‍, ഉണ്ണി, അഭിലാഷ്, പൂമൂടല്‍ സന്തോഷ്, പ്രാണി സന്തോഷ് എന്നിവര്‍ വീട്ടില്‍ അതിക്രമിച്ച് കടക്കുകയും കൈയ്യില്‍ കരുതിയ വടിവാള്‍, കമ്പിവടി എന്നിവയ്‌ക്ക് ഗോപനെ വെട്ടിപരിക്കേല്‍പ്പിക്കുകയായിരുന്നു. അക്രമണം തടയാന്‍ ശ്രമിക്കുന്നതിനിടയിലാണ് ഗോപിക്കും, രജനിക്കും പരിക്കേറ്റത്. ഗുരുതരമായി പരിക്കേറ്റ ഗോപനെ ആലപ്പുഴ വണ്ടാനം മെഡിക്കല്‍ കോളേജിലും ഗോപി, രജനി എന്നിവരെ മാവേലിക്കര ജില്ലാ ആശുപത്രിയിലും പ്രവേശിപ്പിച്ചു. വീട്ടിലുണ്ടായിരുന്ന ടിവി ഉള്‍പ്പടെയുള്ള ഗൃഹോപകരണങ്ങളും അക്രമിസംഘം തകര്‍ത്തിട്ടുണ്ട്. കള്ള് ഷാപ്പിലുണ്ടായ തര്‍ക്കമാണ് അക്രമത്തില്‍ കലാശിച്ചതെന്ന് വെണ്മണി പോലീസ് അറിയിച്ചു. സംഭവത്തില്‍ പോലീസ് കേസെടുത്ത് അന്വോഷണം ആരംഭിച്ചു.
Wednesday, November 27, 2024
വെണ്മണിയില്‍ വീട് കയറി ആക്രമണം; സ്ത്രീയടക്കം മൂന്നുപേര്‍ക്ക് പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: