യുവമോര്ച്ചയും ബിജെപിയും എതിര്ക്കുന്ന ഏതു നിലപാടിനോടും സിപിഎം എതിര്ക്കും. അത് നല്ലതാണെങ്കിലും ചീത്തയാണെങ്കിലും എന്നാണ് എം.ബി. രാജേഷ് എംപി നമുക്ക് വ്യക്തമാക്കിത്തരുന്നത്.
അര്ജുന് ശിവ
ചുംബനം കേവലം തെരുവില് വെച്ച് ആഘോഷിക്കപ്പെടേണ്ട നിസ്സാരമായൊരു കലയല്ല. ഒരുവേള പ്രതിഷേധത്തിനാണെങ്കില് കൂടി പരസ്യ ചുംബനം എന്ന പുതിയൊരു സമരമാതൃകക്ക് നേതൃത്വം നല്കുന്നവര് മഹത്തായ ഒരു ധാര്മിക ബോധത്തിന്റെയും ഉന്നതമായ ഒരു സാംസ്കാരിക പാരമ്പര്യത്തിന്റെയും നെറ്റിയിലാണ് അന്ത്യ ചുംബനം നല്കുന്നത്. ചരിത്രത്തില് വാഴ്ത്തപ്പെട്ട പല സംസ്കാരങ്ങളും ഉണ്ടായിട്ടുണ്ട്. മെസ്സപ്പെട്ടോമിയന് സംസ്കാരം പോലെ, ബാബിലോണിയന് സംസ്കാരം പോലെ.
എവിടെപ്പോയി ആ സംസ്കാരങ്ങളെല്ലാം? ഇവയെല്ലാം തകര്ത്തെറിഞ്ഞത് പുറത്തുനിന്ന് വന്ന ശത്രുക്കളല്ല, ഉളളില് നിന്നുവന്ന ശൈഥില്യങ്ങളാണെന്ന പ്രമുഖ ചരിത്രകാരന് പ്രഫ:അര്ണൊള്ഡ് ജോസഫ് ടോയന്ബിയുടെ നിരീക്ഷണം ശ്രദ്ധേയമാണ്. ഒരു സമൂഹത്തിന്റെ അസ്തിത്വം തകര്ക്കാന് അവരുടെ പാരമ്പര്യത്തിന് മണ്ണിടുകയും,ധാര്മ്മിക ബോധത്തിനു തീയിടുകയും ചെയ്താല് മതി. അതുകൊണ്ടുതന്നെ നമ്മുടെ പ്രാദേശികവും ദേശീയവുമായ സംസ്കാരത്തെ എന്തു വില കൊടുത്തും സംരക്ഷിക്കേണ്ടത് സാമൂഹിക ബോധമുളള ഒരു പൗരന്റെ കടമയാണ്. നമ്മുടെ സംസ്കരത്തിനു നേരെ നടക്കുന്ന ഇത്തരം കൈയേറ്റങ്ങളെ ഒരു തരത്തിലും അംഗീകരിക്കാന് കഴിയില്ലെന്നു മാത്രമല്ല,ചെറുത്തു തോല്പിക്കേണ്ടതുമാണ്.
സക്കീര് പാലോളി
പ്രതികരിക്കാൻ ഇവിടെ എഴുതുക: