കോട്ടയം: കടുത്തുരുത്തി സെന്റ് കുര്യാക്കോസ് പബ്ലിക് സ്‌കൂളും ജപ്പാന്‍ ഷോട്ടോക്കാന്‍ കരാട്ടെ അസോസിയേഷനും സംഘടിപ്പിക്കുന്ന ഇന്‍ഡോ- ശ്രീലങ്കന്‍ കരാട്ടെ ചാമ്പ്യന്‍ഷിപ്പ് നവംബ് 1, 2, തീയതികളില്‍ സ്‌കൂള്‍ ഓഡിറ്റോറിയത്തില്‍ നടക്കും. 1ന് രാവിലെ 10.30ന് ജില്ലാ കളക്ടര്‍ അജിത് കുമാര്‍ ടൂര്‍ണമെന്റ് ഉദ്ഘാടനം ചെയ്യും.
ശ്രീലങ്കയില്‍ നിന്നും കേരളം, തമിഴ്‌നാട്, കര്‍ണാടക സംസ്ഥാനങ്ങളില്‍ നിന്നുമായി ആയിരത്തോളം പേര്‍ പങ്കെടുക്കും. പെണ്‍കുട്ടികള്‍ക്കും ആണ്‍കുട്ടികള്‍ക്കും പ്രത്യേകം താമസ സൗകര്യങ്ങളും പ്രത്യേക വാഹന സൗകര്യങ്ങളും ഏര്‍പ്പെടുത്തിയിട്ടുണ്ടെന്ന് സംഘാടകര്‍ പത്രസമ്മേളനത്തില്‍ അറിയിച്ചു. പത്രസമ്മേളനത്തില്‍ സ്‌കൂള്‍ മാനേജര്‍ ഫാ. ഷാജി പടിഞ്ഞാറേക്കുന്നേല്‍, ചാമ്പ്യന്‍ഷിപ്പ് ഡയറക്ടര്‍ വിനോദ് മാത്യു വയലാ, പ്രിന്‍സിപ്പല്‍ കെ.എ. ഫ്രാന്‍സിസ് തുടങ്ങിയവര്‍ പങ്കെടുത്തു. വിവരങ്ങള്‍ക്ക് 9496129997, 04829- 263607.
പ്രതികരിക്കാൻ ഇവിടെ എഴുതുക: