ഇസ്ലാമാബാദ്: കശ്മീര്‍ പ്രശ്‌നം ഇന്ത്യയുടെ ആഗ്രഹം പോലെ പരിഹരിക്കാമെന്ന തോന്നല്‍ വ്യാമോഹം മാത്രമാണെന്ന് പാക്കിസ്ഥാന്‍ പ്രധാനമന്ത്രിയുടെ ഉപദേഷ്ടാവ് സര്‍താജ് അസീസി. ഈ വിഷയം ഇന്ത്യ ആഗ്രഹിക്കുന്നതു പോലെ പരിഹരിക്കാന്‍ അനുവദിക്കില്ലെന്നും, ഇന്ത്യയുടെ ഇത്തരത്തിലുള്ള ശ്രമങ്ങളെ വിജയിപ്പിക്കാന്‍ പാക്കിസ്ഥാന്‍ അനുവദിക്കില്ലെന്നും സര്‍താജ് പറഞ്ഞു.
ഇന്ത്യ തുടര്‍ച്ചയായി വെടിനിര്‍ത്തല്‍ ലംഘിക്കുകയാണ്. അതിര്‍ത്തിയില്‍ സമാധാനമാണ് പാക്കിസ്ഥാന്‍ ആഗ്രഹിക്കുന്നത്. അതൊരിക്കലും പാകിസ്ഥാന്റെ ബലഹീനതയായി കാണരുതെന്നും സര്‍താജ് അസീസി വ്യക്തമാക്കി. അതിര്‍ത്തിയിലെ വെടിവെപ്പിന് പാക്കിസ്ഥാന്‍ തിരിച്ച് പ്രതികരിക്കുക മാത്രമാണ് ചെയ്യാറുള്ളത്.
പ്രശ്‌നം അന്താരാഷ്‌ട്ര തലത്തില്‍ ഉയര്‍ത്തിക്കൊണ്ടു വരാനുള്ള ശ്രമം തുടരുക തന്നെ ചെയ്യുമെന്നും ഇതു സംബന്ധിച്ച കാര്യങ്ങള്‍ മറ്റു രാജ്യങ്ങളെ ബോധിപ്പിക്കാന്‍ പാക്കിസ്ഥാന്‍ പ്രതിനിധികളെ അയക്കുമെന്നും സര്‍താജ് വ്യക്തമാക്കി.
പ്രതികരിക്കാൻ ഇവിടെ എഴുതുക: