ഹിന്ദുസമൂഹത്തിന്റെ ഉന്നതിക്കുതകുന്ന നവീനപദ്ധതികള് നടപ്പാക്കുകയും ക്ഷേത്രസ്വത്തുക്കള് എങ്ങനെ വിനിയോഗിക്കണം എന്നും മാറിമാറിവരുന്ന ഭരണസംവിധാനങ്ങളുടെ ചൊല്പ്പടിയിലല്ലാത്ത സ്വയം നിയന്ത്രണ വിശ്വാസ ജനകീയ ഭരണസമിതിയും ഉണ്ടാക്കിയെടുക്കുവാന് എല്ലാ വിഭാഗം ഹിന്ദുജനതയും ഒന്നിച്ചുപോരാടണം. ഹിന്ദു ആരാധനാലയങ്ങളുടെയും ദേവസ്വം സ്വത്തുക്കളുടെയും സംരക്ഷണം ഉറപ്പുവരുത്തുവാന് നിയമ നടപടി സ്വീകരിക്കണം.
ഓമനക്കുട്ടന് ശിവരാമന് നായര്
ആദ്യമായി വേണ്ടത് ഒരു ഹിന്ദു പാര്ലമെന്റാണ്. അതിന് സുതാര്യമായ തെരഞ്ഞെടുപ്പും വേണം. സന്യാസിവര്യന്മാരെയും താന്ത്രികരേയും സാമൂഹികപ്രവര്ത്തകരെയും ഉള്പ്പെടുത്തി അതിന്റെ കീഴില് ക്ഷേത്രങ്ങളെ കൊണ്ടുവരണം. ഇന്ന് ക്ഷേത്രം എന്താണെന്നും അവിടെ എന്ത് എങ്ങനെ ആചരിക്കണമെന്നും അറിയാത്തവരാണ് മിക്കവരും. ഇത് മനസിലാക്കിയാല്ത്തന്നെ ക്ഷേത്ര സംരക്ഷണത്തിന് ജനങ്ങള് മുന്നിട്ടിറങ്ങും.
കുമാര് മേച്ചേരി
ദേവസ്വം ബോര്ഡ് എന്ന വകുപ്പ് തന്നെ നിര്ത്തലാക്കണം. അല്ലെങ്കില് അതിന്റെ ഭരണപരിധിയില് നിന്നും ക്ഷേത്രങ്ങളെ ഒഴിവാക്കണം. മാറി മാറി വരുന്ന മന്തിസഭയില് ഈശ്വരവിശ്വാസികള് അല്ലാത്തവരും തികച്ചും പണക്കൊതിയന്മാരുമായ രാഷ്ട്രീയ നേതാക്കള് മന്ത്രിസ്ഥാനം വഹിക്കുകയും കയ്യിട്ട് വാരുകയും ചെയ്യുന്നു. കേരളാ സര്ക്കാരിന്റെ നിലനില്പ്പ് തന്നെ ക്ഷേത്രങ്ങളെ മാത്രം ആശ്രയിച്ചാണ്. ഈയൊരു പ്രവണത അവസാനിപ്പിക്കണം. ക്ഷേത്രങ്ങള് ഹിന്ദുക്കളുടേതാണ്. അത് അവര് തന്നെ സംരക്ഷിക്കണം. അതിനൊരു മന്ത്രിയും വകുപ്പും ഒന്നും ആവശ്യമില്ല. ഇതര മത ദേവാലയങ്ങള്ക്ക് ഈ വകുപ്പും ചട്ടവുമൊന്നുമില്ലല്ലോ.
സ്വാമി നാഥന്
പ്രതികരിക്കാൻ ഇവിടെ എഴുതുക: