മുഖംമൂടി സംഘം അമ്മയേയും മകനെയും ആക്രമിച്ചു

കായംകുളം: മുഖംമൂടി സംഘം അമ്മയേയും മകനെയും വീട് കയറി ആക്രമിച്ചു. കായംകുളം ചിറക്കടവം മാളിക വടക്കതില്‍ പ്രവീണ്‍രാജ് (26), അമ്മ ശാന്തകുമാരി (53) എന്നിവരെയാണ് ചൊവ്വാഴ്ച രാത്രി പതിനൊന്നോടെ ബൈക്കിലെത്തിയ മൂന്നംഗ സംഘം ആക്രമിച്ചത്. കൈയ്‌ക്കും കാലിനും ഗുരുതരപരിക്കേറ്റ ഇരുവരെയും കായംകുളം സര്‍ക്കാര്‍ ആശുപത്രിയില്‍ പ്രവേശിപ്പിച്ചു. കായംകുളം പോലീസ് കേസെടുത്തു.