മുഹമ്മ: 450 പൊതിച്ച തേങ്ങയുള്‍പ്പെടെ 12,000 രൂപയുടെ നാളികേരം മോഷണം പോയി. മുഹമ്മ പത്താം വാര്‍ഡ് നടുവത്തേഴത്തുവെളി അശോകന്റെ തേങ്ങയാണ് തിങ്കളാഴ്ച രാത്രി മോഷണം പോയത്. കാവുങ്കല്‍ യുവശക്തി വായനശാലയ്‌ക്ക് സമീപം തേങ്ങ കച്ചവടം നടത്തുകയാണ് അശോകന്‍. മുഹമ്മ പോലീസില്‍ പരാതി നല്‍കി. കഴിഞ്ഞദിവസം മുഹമ്മ കെപിഎംയുപി സ്‌കൂളില്‍ നിന്നും കുട്ടികളുടെ ഉച്ചഭക്ഷണത്തിന്റെ ആവശ്യത്തിനായി സംഭരിച്ചിരുന്ന പൊതിക്കാത്ത തേങ്ങയും മോഷണം പോയിരുന്നു. ഇതുസംബന്ധിച്ച് മുഹമ്മ പോലീസില്‍ പരാതി നല്‍കിയിട്ടും നടപടിയുണ്ടായില്ല. സ്‌കൂളിന് സമീപത്ത് മണക്കാട്ടം പള്ളില്‍ വീട്ടില്‍ നിന്നും 50 മൂട് ചേന ഓണക്കാലത്ത് മോഷ്ടാക്കള്‍ കവര്‍ന്നിരുന്നു. ഇവിടെ മൂവായിരത്തോളം ചേനയാണ് വ്യാവസായിക അടിസ്ഥാനത്തില്‍ നട്ടത്. ഈ സംഭവത്തിലും പരാതി നല്‍കിയെങ്കിലും മോഷ്ടാക്കളെ പിടികൂടാനായിട്ടില്ല.
Friday, November 22, 2024
12,000 രൂപയുടെ തേങ്ങ മോഷണം പോയി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: