കൊച്ചി: കണ്ണന്‍ ദേവന്‍ തേയിലയുടെ ബ്രാന്‍ഡ് അംബാസഡറായി മോഹന്‍ലാല്‍ വീണ്ടുമെത്തുന്നു. കേരളത്തിലെ ഏറ്റവും ഉയര്‍ന്ന മലനിരകളില്‍ ഉത്പാദിപ്പിക്കുന്ന കണ്ണന്‍ദേവന്‍ തേയില പുതിയ ബ്രാന്‍ഡ് പാക്കിംങോടെയായിരിക്കും ഇനി വിപണിയിലെത്തുക.
മോഹന്‍ലാല്‍ 1990-കളില്‍ കണ്ണന്‍ ദേവന്‍ തേയിലയുടെ ബ്രാന്‍ഡ് അംബാസഡറായിരുന്നു. കേരളത്തിലെ ചായപ്രേമികള്‍ക്ക് ഏറ്റവും പ്രീയപ്പെട്ട ബ്രാന്‍ഡാണ് കണ്ണന്‍ ദേവന്‍ ടീ എന്ന് ടാറ്റ ഗ്ലോബല്‍ ബിവറേജസ് ഇന്ത്യ & സൗത്ത് ഏഷ്യ വൈസ് പ്രസിഡന്റും മാര്‍ക്കറ്റിംഗ് ഹെഡുമായ വിക്രം ്വ്രേഗാവര്‍ ചൂണ്ടിക്കാട്ടി. കേരളത്തില്‍ ചായയെ ഇഷ്ടപ്പെടുന്നിവര്‍ എന്നത്തേയും പോലെ ടാറ്റ ടീ കണ്ണന്‍ ദേവനെ സ്വീകരിക്കുമെന്നാണ് വിശ്വാസമെന്ന് മോഹന്‍ലാല്‍ പറഞ്ഞു.
ഓണക്കാലത്ത് ടാറ്റ ടീ കണ്ണന്‍ ദേവന്‍ ഉപയോക്താക്കള്‍ക്കായി നടത്തിയ മത്സരത്തില്‍ വിജയികളായവര്‍ക്ക് മോഹന്‍ലാലിനൊപ്പം ചായസത്കാരത്തില്‍ പങ്കെടുക്കാന്‍ അവസരം ലഭിച്ചു. ഇതില്‍ നിന്നു ലഭിച്ച വരുമാനം തിരുവനന്തപുരം റീജണല്‍ കാന്‍സര്‍ സെന്ററിലെ കാന്‍സര്‍ രോഗികള്‍ക്കായി ടാറ്റ ടീ കൈമാറും.
പ്രതികരിക്കാൻ ഇവിടെ എഴുതുക: