ജയസൂര്യ-അനൂപ്‌ മേനോന്‍ കൂട്ടുകെട്ട്‌ വീണ്ടും ഒന്നിക്കുന്ന ചിത്രമാണ്‌ ഹോട്ടല്‍ കാലിഫോര്‍ണിയ. അജി ജോണ്‍ ആണ്‌ ചിത്രത്തിന്റെ സംവിധായകന്‍. ദുബായ്‌, ബാംഗ്ലൂര്‍, മുംബൈ, കൊളംബോ, സിംല എന്നീ നഗരങ്ങളില്‍നിന്ന്‌ അഞ്ചുപേര്‍ മുംബൈയിലെത്തുകയും അവിടെനിന്ന്‌ കൊച്ചിയിലേക്ക്‌ തിരിക്കുകയും ചെയ്തു. ഇവരെ കാത്തിരിക്കുന്ന അഞ്ചുപേര്‍. നെടുമ്പാശേരി എയര്‍ പോര്‍ട്ടില്‍ അവര്‍ ഇറങ്ങുന്നു. തുടര്‍ന്നുണ്ടാകുന്ന സംഭവങ്ങളിലൂടെയാണ്‌ ചിത്രത്തിന്റെ കഥ വികസിക്കുന്നത്‌.
നല്ലവന്‍, നമുക്ക്‌ പാര്‍ക്കാന്‍ എന്നീ ചിത്രങ്ങളുടെ സംവിധായകനായ അജി ജോണിന്റെ പുതിയ ചിത്രത്തിന്റെ രചന അനൂപ്‌ മേനോന്‍ നിര്‍വഹിക്കുന്നു. ധ്വനിയും അപര്‍ണയും നോട്ട്ബുക്ക്‌ ഫെയിം മരിയയുമാണ്‌ ചിത്രത്തിലെ നായികമാര്‍. പി.ബാലചന്ദ്രന്‍, ശങ്കര്‍, സൈജു കുറുപ്പ്‌ തുടങ്ങിയവരും ഹോട്ടല്‍ കാലിഫോര്‍ണിയ യിലുണ്ട്‌. ജയ്‌ രാജ്‌ ഫിലിംസിന്‌ വേണ്ടി ജോസ്മോന്‍ സൈമണ്‍ ആണ്‌ ചിത്രം നിര്‍മിക്കുന്നത്‌. ക്യാമറ ജിത്തു ദാമോദര്‍. ഷാന്‍ റഹ്മാന്‍ ആണ്‌ സംഗീത സംവിധായകന്‍. പ്രൊജക്റ്റ്‌ ഡിസൈനര്‍ സജിത്‌ കൃഷ്ണ. നിര്‍മാണ നിയന്ത്രണം ബാദുഷ. ജോണ്‍ കുടിയാന്മല, വാവ, മഹാദേവന്‍ തമ്പി തുടങ്ങിയവര്‍ ഹോട്ടല്‍ കാലിഫോര്‍ണിയയ്‌ക്ക്‌ പിന്നിലുണ്ട്‌. കൊച്ചി, മുംബൈ, ഹൈദരാബാദ്‌, ദുബായ്‌ എന്നിവിടങ്ങളിലാണ്‌ സിനിമ ചിത്രീകരിക്കുന്നത്‌.
പ്രതികരിക്കാൻ ഇവിടെ എഴുതുക: