ദിലീപിനെ നായകനാക്കി വിജി തമ്പി സംവിധാനം നിര്‍വഹിക്കുന്ന നാടോടി മന്നന്‍ റംസാന്‌ തിയേറ്ററുകളിലെത്തും. ഹാസ്യത്തിന്‌ പ്രാധാന്യം നല്‍കി രാഷ്‌ട്രീയത്തിന്റെ പശ്ചാത്തലത്തില്‍ അണിയിച്ചൊരുക്കിയിട്ടുള്ള ചിത്രമാണ്‌ നാടോടി മന്നന്‍. അനന്യ, മൈഥിലി, അര്‍ച്ചന കവി തുടങ്ങിയവരാണ്‌ നായികമാര്‍. രാഷ്‌ട്രീയ പാര്‍ട്ടിക്കാരുടെ പ്രതിഷേധ പ്രകടനങ്ങള്‍ക്കും സമരങ്ങള്‍ക്കും പങ്കെടുക്കുന്നതിലൂടെ കിട്ടുന്ന വരുമാനം കൊണ്ട്‌ ജീവിക്കുന്ന പത്മനാഭന്‍ എന്ന കഥാപാത്രത്തെയാണ്‌ ദിലീപ്‌ ഈ ചിത്രത്തില്‍ അവതരിപ്പിക്കുന്നത്‌. ഗ്രാമത്തില്‍ നിന്നും നഗരത്തില്‍ എത്തിച്ചേരുന്ന പത്മനാഭന്‍ മേയറാകുന്നതും തുടര്‍ന്നുണ്ടാകുന്ന സംഭവവികാസങ്ങളുമാണ്‌ നടോടി മന്നന്റെ ഇതിവൃത്തം.
കഥയും തിരക്കഥയും രചിച്ചിരിക്കുന്നത്‌ കൃഷ്ണ പൂജപ്പുര. സംഗീതം വിദ്യാസാഗര്‍.
പ്രതികരിക്കാൻ ഇവിടെ എഴുതുക: