കൊച്ചി മെട്രോ : നാല് പാസഞ്ചര്‍ തീവണ്ടികള്‍ റദ്ദാക്കി

കൊച്ചി: മെട്രോ നിര്‍മ്മാണവുമായി ബന്ധപ്പെട്ട് കളമശ്ശേരി ആലുവ സെക്ഷനില്‍ സബ് വേയുടെ ജോലി നടക്കുന്നതിനാല്‍ ശനിയാഴ്ച നാല് പാസഞ്ചര്‍ തീവണ്ടികള്‍ റദ്ദാക്കി.

രാവിലെ ആറിന് എറണാകുളത്തു നിന്ന് പുറപ്പെടുന്ന എറണാകുളം – ഗുരുവായൂര്‍ പാസഞ്ചര്‍(നമ്പര്‍ 56370), ഒമ്പതിനുളള ഗുരുവായൂര്‍ – തൃശ്ശൂര്‍ പാസഞ്ചര്‍ (നമ്പര്‍ 56373), 10.45 നുള്ള തൃശ്ശൂര്‍ – ഗുരുവായൂര്‍ പാസഞ്ചര്‍(നമ്പര്‍ 56374), ഉച്ചയ്‌ക്ക് 1.20 നുള്ള ഗുരുവായൂര്‍ – എറണാകുളം പാസഞ്ചര്‍ (നമ്പര്‍ 56375) എന്നിവയാണ് റദ്ദാക്കിയത്. ട്രെയിന്‍ നമ്പര്‍ 16305 എറണാകുളം – കണ്ണൂര്‍ എക്‌സ്പ്രസ് എറണാകുളം – ആലുവ റൂട്ടില്‍ സര്‍വീസ് നടത്തില്ല.

പകരം ആലുവയില്‍ നിന്ന് രാവിലെ 7.15 ന് എക്‌സ്പ്രസ് പുറപ്പെടും.

ആഴ്ചയില്‍ മൂന്ന് ദിവസമുള്ള ട്രെയിന്‍ നമ്പര്‍ 12432/12431 തിരുവനന്തപുരം – നിസ്സാമുദ്ദീന്‍ രാജധാനി എക്‌സ്പ്രസ്സിലെ തിരക്ക് പരിഗണിച്ച് ഒരു സെക്കന്‍ഡ് എസി കോച്ച് കൂട്ടിയിട്ടുണ്ട്. അധിക കോച്ച് ആഗസ്ത് മൂന്നു മുതല്‍ 31 വരെ നിസ്സാമുദ്ദീനില്‍ നിന്ന് പുറപ്പെടുമ്പോഴും ആഗസ്ത് അഞ്ചു മുതല്‍ സപ്തംബര്‍ രണ്ടുവരെ തിരുവനന്തപുരത്തു നിന്ന് തിരിച്ചു പോകുമ്പോഴും ഉണ്ടാകും.