ലണ്ടന്‍: കൊളംബിയന്‍ ഗോള്‍ കീപ്പര്‍ ഡേവിഡ് ഒസ്പിന ഇംഗ്ലീഷ് ഫുട്‌ബോള്‍ ക്ലബ്ബ് ആഴ്‌സനലില്‍ ചേര്‍ന്നു. ഫ്രഞ്ച് ലീഗ് വണ്‍ ടീം നൈസില്‍ നിന്നും ദീര്‍ഘകാലത്തേക്കാണ് ഗണ്ണേഴ്‌സ് ഒസ്പിനയെ പാളയത്തില്‍ എത്തിച്ചിരിക്കുന്നത്. കരാര്‍ തുക വെളിപ്പെടുത്തിയിട്ടില്ല. കൊളംബിയയുടെ ലോകകപ്പ് ക്വാര്‍ട്ടര്‍ പ്രവേശനത്തില്‍ ഒസ്പിന നിര്‍ണായക പങ്കുവഹിച്ചിരുന്നു.
ഡേവിഡ് ഉശിരന്‍ ഗോളിയാണ്. അദ്ദേഹത്തിന്റെ വരവ് ടീമിന്റെ കരുത്ത് വര്‍ധിപ്പിക്കും. ഡേവിഡ് നമുക്കൊപ്പം ചേരുന്നതില്‍ ഏറെ സന്തോഷം, ആഴ്‌സനല്‍ കോച്ച് ആഴ്‌സന്‍ വെംഗര്‍ പറഞ്ഞു. പരിചയസമ്പത്തും പ്രകടനമികവും ഇഴചേര്‍ന്നയാളാണ് ഒസ്പിനയെന്നും വെംഗര്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: