കോട്ടയം: മെഡിക്കല് കോളജ് അധ്യാപകരുടെ പെന്ഷന് പ്രായം വീണ്ടും ഉയര്ത്തരുതെന്നും സ്വകാര്യപ്രാക്ടീസ ്നിരോധനത്തെ തുടര്ന്ന് ജനങ്ങള്ക്കുണ്ടായ ബുദ്ധിമുട്ടുകള് പഠിക്കാന് പ്രത്യേകസമിതിയെ നിയോഗിക്കണമെന്നും കേരള ഗവ. മെഡിക്കല് കോളേജ് ടീച്ചേഴ്സ് അസോസിയേഷന് (കെജിഎംസിടിഎ) ഭാരവാഹികള് വാര്ത്താസമ്മേളനത്തില് ആവശ്യപ്പെട്ടു. അസോസിയേഷന് സംസ്ഥാന സമ്മേളനം ഞായറാഴ്ച കോട്ടയം മെഡിക്കല് കോളേജില് നടക്കുമെന്നും ഇവര് അറിയിച്ചു. രാവിലെ 10 ന് സംസ്ഥാനപ്രസിഡന്റ് ഡോ.കെ. മോഹനന് പതാക ഉയര്ത്തുന്നതോടെ സമ്മേളനത്തിന് തുടക്കമാവും. തുടര്ന്ന് പ്രൊഫ.ജെ.എസ്. സത്യദാസ് മെമ്മോറിയല് അവാര്ഡ് കോഴിക്കോട് ഗവ. മെഡിക്കല് കോളേജിലെ നെഫ്രോളജി പ്രൊഫസര് എം. ശ്രീലതക്ക് സമ്മാനിക്കും. ഉച്ചക്ക് 2.30ന് നടക്കുന്ന സമ്മേളനം മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്യും. ആരോഗ്യമന്ത്രി വി.എസ് ശിവകുമാര് മുഖ്യപ്രഭാഷണം നടത്തും. മന്ത്രി തിരുവഞ്ചൂര് രാധാകൃഷ്ണന് സുവനീര് പ്രകാശനം ചെയ്യും.
നിലവില് മെഡിക്കല് കോളജ് അധ്യാപകരുടെ പെന്ഷന് പ്രായം 60 വയസ്സാണ്. ഇത് വീണ്ടും ഉയര്ത്തിയാല് പുതിയതായി സര്വീസിലേക്ക ്കടന്നുവരാന് ആഗ്രഹിക്കുന്നവരുടെ അവസരം നഷ്ടമാകും. പി.എസ്.സി വഴിയുള്ള നിയമനങ്ങള് ത്വരിതപ്പെടുത്തുക, ആരോഗ്യ സര്വകലാശാലയുടെ മൂല്യനിര്ണയക്യാമ്പുകള് എല്ലാ സര്ക്കാര് മെഡിക്കല് കോളജുകളിലും ആരംഭിക്കുക, പുതിയതായി തുടങ്ങുന്ന മെഡിക്കല് കോളജുകളില് മെഡിക്കല് കൗണ്സില് മാനദണ്ഡമനുസരിച്ച് തസ്തികകളും സൗകര്യങ്ങളും ഏര്പ്പെടുത്തമെന്ന ആവശ്യങ്ങളും സമ്മേളനം മുന്നോട്ടു്വെക്കുമെന്ന് ഇവര് പറഞ്ഞു. പുതിയതായി തുടങ്ങുന്ന കോളജുകളില് ആവശ്യമായ തസ്തികള് സൃഷ്ടിക്കാത്തതിനാല് മെഡികല് പ്രവേശത്തിന് പ്രതികൂലമായി ബാധിക്കുമെന്നു ഇവര് പറഞ്ഞു. സംസ്ഥാന പ്രസിഡന്റ് ഡോ.കെ. മോഹനന്, ട്രഷറര് ഡോ. സദറുദീന് അഹമദ് എം, ഡോ. ടി.ജി. തോമസ് ജേക്കബ് എന്നിവര് പങ്കെടുത്തു
പ്രതികരിക്കാൻ ഇവിടെ എഴുതുക: